Upwork, e njohur më parë si Elance-oDesk, është një platformë amerikane për profesione të pavarura ku kompanitë dhe individët lidhen për të kryer biznes. Në vitin 2015, Elance-oDesk u ribrandua si Upwork dhe emri i plotë i kompanisë tani është Upwork Global Inc. Përmes kësaj platforme, të rinj shqiptarë kanë fituar shuma të konsiderueshme parash.

Në një artikull të Monitor.al, përmendet rasti i të riut Dorian H., i cili deri më tani ka fituar 200,000 dollarë nga puna online për individë dhe kompani jashtë vendit. Profesioni i tij është i lidhur me zhvillimin e web-eve dhe i shet shërbimet e tij në Upwork kundrejt një pagese 75 dollarë për orë.

Banka Botërore, në një raport të posaçëm për zhvillimin e e-commerce gjatë pandemisë, vuri në dukje se Shqipëria pati një numër të lartë të profesionistëve që u regjistruan në Upwork. Elda. K, një arkitekte me përvojë 12-vjeçare, ka fituar 90 mijë dollarë nga puna e saj online.

Një e re nga Tirana raportohet të ketë fituar 60 mijë dollarë nga përpunime të avancuara të të dhënave në Excel. Punëdhënësit e saj ishin të mahnitur për cilësinë e lartë të punës në një afat të shkurtër.

Në një raport të fundit, “Diagnostikimi i e-commerce në Shqipëri”, Banka Botërore tha se karantina nxiti e-commerce globalisht dhe ashtu si kudo në Shqipëri, bizneset u përpoqën që të përshtateshin me kushtet që kishin drejt një tregtie online, edhe pse të cunguar.

Për artikullin me më shumë informacion për Upwork, klikoni këtu.