Jennifer Lopez e ka nisur vitin e ri me publikimin e videoklipit për këngën e  re “In The Morning”.

Ajo njoftoi për publikimin e saj, kohë më parë, përmes një seti fotografik nudo, që u komentua gjatë.

Sot, këngëtarja publikoi klipin e ri në Triller dhe revistat e modës si Vogue, e cilësojnë “një fantazi të shfrenuar mode”.

Videoja surreale përfshin një ëngjëll “të dërguar nga lart”, që ndodh të ketë shumë shije në stil, një J Lo që fluturon në një hapësirë qiellore me një fustan në ngjyrë të lehtë, realizuar nga Iris van Herpen.

Në një pjesë të klipit, J Lo, ashtu si në setin fotografik, shfaqet e zhveshur, vetëm me krahë të mëdhenj ëngjëlli.

Në një skenë tjetër, ajo shfaqet në shtrat, me një "fustan kristali" nga Augusto Manzanares, një dizajner peruan, shoqëruar me krahët dramatikë të Mother Plucker.

“Klipi është një mori simbolikash për një marrëdhënie të errët dhe të njëanshme dhe të kuptuarit se ju nuk mund të ndryshoni askënd tjetër, vetëm veten”, shkroi Lopez për konceptin elegant të videos në Instagram.

“Rritni krahët tuaj dhe largohuni nga çdo gjë dhe çdo njeri që nuk vlerëson gjithçka që keni për të ofruar.”

Momente të tjera nga videoja, përfshijnë J Lo në një fustan të bardhë të dizajnerit Marco Mardo, madje dhe një sirenë “high-fashion”, që “noton” në ajër e veshur më bluzën e argjendtë të Manuel Albarran dhe bishtin e Iggy Soliven.

Nëse u bëtë kurioz ta shihni (sigurisht që u bëtë), ky është videoklipi: