Për të zbuluar nëse ju pret ose jo një e ardhme prej milioneri/je, vini re shenjat më poshtë. Analizojini me kujdes dhe parashikoni pak a shumë çfarë ju pret. Nëse dilni në përfundimin se jeni në rrugën e gabuar, punoni për të ndryshuar sjelljet!
#1. Punon fort, por jo me zgjuarësi
Dëgjojmë gjithnjë që vetëm puna e palodhur do të na ndihmojë të ecim para në jetë, por dikush duhet t'jua thoshte që kjo është vetëm gjysma e historisë. Nëse s'bëni gjë tjetër veçse të punoni fort, pa u treguar të zgjuar dhe pa kapur mundësitë e duhura në kohën e duhur, mos prisni të bëheni të pasur.
#2. Kujdesesh shumë që të kursesh, por jo të fitosh më shumë
Një tjetër mënyrë e të punuarit me zgjuarësi është të rrisësh fitimet, jo thjesht kursimet. Sigurisht që këto të fundit janë thelbësore në rritjen e pasurisë, por mos u fokusoni shumë aty dhe të lini pas dore objektivat për shtimin e fitimeve.
#3. Ble gjëra që s'i përballon dot
Nëse jeton përtej mundësive të tua, mos prit të bëhesh i pasur! "Unë s'e bleva orën time të parë luksoze apo makinën derisa biznesi dhe investimet që kisha bërë po shumëfishonin të ardhurat.- tregoi për Entrepreneur Grant Cardone, një milioner i suksesshëm. Edhe kur u bëra milioner, kisha akoma një makinë të thjeshtë. Njeriu duhet të njihet për etikën në punë, jo për gjërat që ble."
#4. S'ke filluar ende të investosh
Një nga mënyrat më efektive për të fituar më shumë para me kalimin e kohës, është t'i investosh ato dhe sa më herët ta bësh, aq më mirë.
#5. Po ndjek ëndrrën e dikujt tjetër, jo tënden!
Nëse do të jesh i suksesshëm, duhet ta duash atë që bën-që do të thotë t'i shkosh pas pasionit tënd gjer në fund.
#6. Nuk del shpesh nga zona jote e rehatisë
Për t'u bërë i suksesshëm dhe më pas milioner, duhet të bindesh me idenë që pasiguria dhe mungesa e rehatisë do të të ndjekin gjithnjë! Guximi vjen me risqe, prandaj zgjohu! Zakonisht, njerëzit e pasur e gjejnë rehatinë pikërisht tek pasiguria.
#7. S'ke asnjë objektiv për paratë e tua
Nëse do të ndërtosh një pasuri, procesi do të jetë më i thjeshtë dhe më i këndshëm nëse vendos ca objektiva. Si përshembull; të punosh për të blerë një shtëpi të re, një makinë apo për 2 udhëtime në vit.
#8. Fillimisht ti shpenzon pastaj kursen
Bëj të kundërtën! Kurse fillimisht fondin e emergjencës dhe pastaj llogarit çfarë mbetet.
#9. Mendon se të bëhesh i pasur është thjesht fat
Në botën kapitaliste nuk funksionon kështu! Ti ke të drejta të plota për t'u bërë milioner nëse punon fort dhe krijon vlerë të shtuar tek të tjerët.
Burimi: Business Insider
