Mos u panikosni kur më poshtë të shihni Tom Hanks në versionin tullac! Yllit të filmave iu desh të ndryshonte komplet look për t'iu përshtatur rolit të ri në filmin që po xhirojnë në Australi rreth jetës së Elvis Presley.
Hanks, do të luajë rolin e kolonelit Tom Parker në film dhe duke qenë se duhej t'i përshtatej shumë karakterit, flokët ishin të parat që duheshin sakrifikuar.
Gjatë programit "The Graham Norton Show", Tom u shfaq me një kapele, por nuk ngurroi që për disa sekonda të na tregonte "prerjen e tmerrshme", siç ai e quan.
"Shiheni këtë model të tmerrshëm. I tremba fëmijët me këto flokë. Dua t'u kërkoj falje që iu desh të shihnin diçka të tillë."- u shpreh me shaka.
Në fakt, Tom Hanks tullac nuk duket fare si Tom Hanks, por nëse e shihni dy herë radhazi nuk është dhe aq kaq sa aktori mendon se është!
Burimi: Pop Sugar
