Bella Hadid vendosi ta përcjellë 2020-ën e lodhshme me një ngjyrë të re flokësh! Fije "të trasha" në ngjyrë karrote që vetëm Bella Hadid mund t'i mbajë siç e meritojnë.
Së fundmi, modelja është parë rrugëve të New York-ut me flokët e rinj, të cilët i kishte përshtatur me veshjen sportive.
Edhe Bella si shumë të tjera nuk i rezistoi trendit më të famshëm të këtij viti; chunky highlights që janë më të dukshme në pjesën e balukeve. Jennifer Lopez, Kylie Jenner, Dua Lipa ishin ndër të parat që përforcuan lyerjen e veçantë, e cila duket se do të qëndrojë për një kohë të gjatë.
Kohët e fundit Hadid ka eksperimentuar më shumë se çdo herë tjetër me ngjyrat dhe prerjet e flokëve. Nuk e dimë ç'po ndodh me Bella-n, por diçka po zihet!
Burimi: Glamour
