Karriera

4 burrat më të pasur në botë s'e njohin pandeminë: Sa u shtua pasuria e tyre përgjatë një viti

Shkruar nga Anabel

17 Dhjetor 2020

4 burrat më të pasur në botë s'e njohin pandeminë:

Ndërsa shpërthimi i koronavirusit shkaktoi sfida të paparashikuara dhe na detyroi të ndryshojmë plotësisht mënyrën e të jetuarit, është e kuptueshme që 2020-a ka qenë një vit i vështirë për të gjithë. Të gjithë, përveç Jeff Bezos, Elon Musk, Bill Gates dhe Bernard Arnault (dhe miliarderëve të tjerë).

Pasuria e tyre në total u rrit me 219 miliardë dollarë.

Nuk është surprizë që Bezos të jetë në vendin e parë, si njeriu më i pasur në botë, pasi në një vit kur të gjithë ishin të detyruar të qëndronin në shtëpi, shitjet në Amazon po arrinin kulmin.

4 burrat më të pasur në botë s'e njohin pandeminë:

Nga data 16 dhjetor 2019 deri në 15 dhjetor 2020, themeluesi i Amazon, pa se si pasuria e tij u rrrit me 61%, sipas “Billionaire Index” nga Bloomberg. Ai shtoi 70 miliardë dollarë në pasurinë e tij gjatë vitit, duke e çuar vlerën totale të saj në 185 miliardë dollarë.

Në vendin e dytë është CEO i SpaceX, Elon Musk, i cili aktualisht po teston raketën Starship, me shpresën se një ditë do i çojë njerëzit në Mars.

4 burrat më të pasur në botë s'e njohin pandeminë:

Musk shtoi pasurinë e tij duke rritur me 461.6% fitimet në 12 muajt e fundit. Ai tani ka një vlerë totale prej 155 miliardë dollarë.

Pasuria neto e themeluesit të Microsoft, Bill Gates, është rritur me 13.9%, duke fituar 15.7 miliardë dollarë që nga dhjetori i kaluar, ndërsa Bernard Arnault, kryetar dhe CEO i LVMH (Moët Hennessy – Louis Vuitton) e rriti pasurinë e tij neto me 6%, duke shtuar 6.3 miliardë dollarë.

Pasuria neto e Gates qëndron në 129 miliardë dollarë, ndërsa Arnault aktualisht është në 112 miliardë dollarë.

Ky i fundit, kohët e fundit tejkaloi dhe Mark Zuckerberg, CEO-n e Facebook, duke e bërë personin e katërt më të pasur. Mark ka fituar 1.89 miliardë dollarë që prej 13 dhjetorit, 2020. Vlera e pasurisë së tij aktuale është rreth 104 miliardë dollarë.

4 burrat më të pasur në botë s'e njohin pandeminë:

Në një deklaratë të cituar nga Business Insider, Frank Clemente, drejtori ekzekutiv i Amerikanëve për Drejtësinë e Taksave, foli për 10 miliarderët më të pasur dhe tha se Amerika kurrë më parë “s’ka parë një grumbullim të tillë pasurie në kaq pak duar”.

Ai shtoi:

“Rritja e pasurisë së tyre është aq e madhe sa vetëm ata mund të sigurojnë një pagesë stimulimi prej $3,000 për çdo burrë, grua dhe fëmijë në vend, dhe akoma të jenë më të pasur se nëntë muaj më parë.”

Krahas emrave të lartpërmendur, në listën e 10 njerëzve më të pasur në botë janë edhe Warren Buffet, Larry Page, Sergey Brin, Steve Ballmer dhe Mukesh Ambani.

Burimi: Unilad