Shenja e Hënës është po aq e rëndësishme për atë që jeni, sa shenja e horoskopit (e njohur si shenja e Diellit) dhe ashendenti.

Një nga pjesët më domethënëse të asaj që përfaqëson Hëna në kornizën kozmike janë emocionet dhe ndjenjat. "Ndërsa shenja e Diellit na tregon se si shkëlqejmë, shenja e Hënës përshkruan natyrën emocionale," thotë astrologia Catherine Urban për Bustle. Shenja e Hënës tregon se si i shprehim ndjenjat tona, si sillemi në situata emocionale ose si reagojmë ndaj emocioneve të të tjerëve. Për shkak se Hëna lëviz nëpër zodiak relativisht shpejt, është planeti që ka ndikimin më të madh në gjendjet tona të përditshme. Kjo ndihmon për të shpjeguar pse disa njerëz ndihen tepër emocionalë nën një Hënë të plotë.

Nëse Hëna juaj është në një shenjë zjarri, ka të ngjarë të keni reagime të mëdha emocionale. Nëse jeni më të qëndrueshëm dhe të bazuar në situata emocionale me gjasë e keni Hënën në shenja tokë. Nëse jeni një shenjë me Hënën në shenjë ujë, i ndjeni emocionet në një mënyrë të thellë dhe kuptimplote - por nëse Hëna është në shenjë ajri, me siguri i qaseni situatave emocionale nga një perspektivë më e shkëputur dhe intelektuale.

"Hëna është pjesa që ndihet thellë brenda vetvetes, që nuk mund ta shprehim lehtë", thotë Stardust. Prisni që cilësitë e shenjës së Hënës të shfaqen kur ndiheni thellësisht emocionalë, ekstremisht të ndjeshëm, ose thjesht kur jeni vetëm.

Shenja e Hënës gjithashtu mund të ndikojnë në mënyrën (ose shkallën në të cilën) ne shprehim karakteristikat e shenjës së horoskopit. A keni takuar ndonjëherë dikë ku shenja e zodiakut nuk duket se përputhet shumë me personalitetin e tyre? Kjo nuk është shumë e pazakontë, duke marrë parasysh se ka shumë shenja dhe planete që ndikojnë.

Për të llogaritur shenjën e Hënës, mund të përdorni faqet në internet, ku vendoset vendi dhe ora e saktë e lindjes.

Artikull i rekomanduar: