ShengenVisaInfo – një faqe e përqendruar te informacionet në lidhje me Zonën Shengen, vizat, kërkesat, sigurimet etj. – ka publikuar një artikull me pesë qytetet që duhen vizituar gjatë Krishtlindjeve.

“Duke qenë se shumica e vendeve anëtare të Bashkimit Europian dhe Zonës Shengen kanë vendosur kufizime dhe ndalime për hyrjen e qytetarëve, udhëtarët që duan të festojnë Krishtlindjet javë vendit nuk janë në gjendje të vizitojnë disa nga qytetet europiane të njohura për atmosferën e tyre të Krishtlindjeve.” – shkruhet në artikull.

Në vijim, faqja thekson se pavarësisht vendeve si Gjermania, Franca dhe shtete të tjera të BE-së, ka edhe vende të tjera ku atmosfera është e këndshme, të tilla si Shqipëria, Turqia dhe Rusia.

“Teksa udhëtarët mund të përjetojnë Krishtlindjet dhe festimet perëndimore në këto vende, gjithashtu mund të njihen me traditat lokale të Krishtlindjeve.”

Ja çfarë shkruhet për Shqipërinë:

“Shqipëria njihet për verën e nxehtë dhe të gjatë, bregdetin e bukur dhe trashëgiminë kulturore. Sidoqoftë, është gjithashtu një destinacion i mrekullueshëm për ata që duan t’i kalojnë pushimet e fundvitit jashtë.”

Në vijim, faqja thekson harmoninë fetare në Shqipëri, duke e quajtur si “feneri i fundit i tolerancës fetare në Europë”.

“Shqipëria është një vend i harmonisë fetare dhe të gjitha fetë jetojnë së bashku, jo vetëm pa shqetësuar njëra-tjetrën, por edhe duke festuar për njëra-tjetrën data të rëndësishme fetare. Kryeqyteti i është mbuluar me drita gjatë Krishtlindjeve dhe një pemë gjigante është zbukuruar në sheshin kryesor të kryeqytetit ndërsa të tjerët janë vendosur në të gjithë qytetin.”

Vendet e tjera të sugjeruara janë:

Zabreg, Kroaci

Dubrovnik, Kroaci

Stamboll, Turqi

Shën Petersbug, Rusi