Në një komunikim pyetje-përgjigje me ndjekësit e saj në Instagram, Sara Hoxha ndau disa detaje të pazbuluara më parë në lidhje me shtatzëninë.

Siç mund ta shihni, e pyetur nga dikush se si reagoi kur mori vesh se ishte shtatzënë, Sara publikoi një foto ku duket teksa ka telefonuar mikeshat, mes tyre edhe Dhurata Dora. Reagimi i tyre: Epik!

“Jo ashtu siç kam menduar gjithmonë që do ndodhte. Isha në Gjermani kur e kam marr vesh dhe më duhet t’ia tregoja ndërmjet telefonit me kamera,” u shpreh ajo për momentin kur i tregoi Ledrit se ishte shtatzënë.

Sara publikoi edhe një foto nga reagimi i prindërve të Ledrit,

por çmimin për “Reagimin më të paparë” e fitojnë gjyshërit e reperit, të cilët thjesht thyen pjata.

Për shkak të Covidit, Sarës dhe Ledrit iu deshën dy muaj për t’u takuar pas lajmit të shtatzënisë.

Përsa i përket momentit kur morën vesh gjininë e bebit, Sara u shpreh se nuk e mendonte kurrë se ngjyra rozë do ta bënte kaq të lumtur.

Në vijim, ajo u ndal pak te momenti i rrengut që i bëri Ledrit duke u hequr sikur erdhi momenti i lindjes.

Si të gjitha nënat, Sara i trembet përkujdesjes, por është mirënjohëse për njerëzit që e rrethojnë.

Çifti nuk ka zgjedhur ende një emër për vajzën, pasi është një vendim që do ta marrin pasi të shohin për herë të parë portretin e saj.

Ndër të tjera, Sara, në lidhje me privatësinë e foshnjës, tha se nuk e ka vendosur ende.

E mbyllim me foton e tyre të parë [emoji me sytë me zemra].