Nëse ekziston diçka për të cilën të gjithë sipërmarrësit super të suksesshëm bien dakord është fakti se dështimi është pjesë e domosdoshme e krijimit të çdo gjëje të re dhe të vlefshme. Pothuajse të gjithë miliarderët që adhuroni, kanë dështuar në një pikë të rrugëtimit të tyre. Kjo përfshin edhe Jeff Bezos, njeriu më i pasur në botë.
Dështimi është një pjesë e domosdoshme e risive, me fjalë të tjera, por një libër i ri që mbledh shkrimet dhe deklaratat publike të Jeff Bezos, me titull “Invent and Wander: The Collected Writings”, e bën të qartë që nuk do të thotë që të gjitha dështimet të festohen. Ekzistojnë dy lloje të dështimeve, sipas tij, dhe vetëm një prej tyre është diçka e mirë.
Dështim i mirë vs Dështim i keq
Business Insider kohët e fundit publikoi një koleksion të fragmenteve më të mira të librit dhe një prej të cilëve është veçanërisht i rëndësishëm për sipërmarrësit të cilët po përpiqen të barazpeshojnë frikën e dështimit me shkallën e ambicies. Bezos thotë se që në fillim, ju duhet ta mirëprisni dështimin, por argumenton se ka kufij të qartë se kur hapat tuaj janë të gabuar, pra kur dështimi “është për të qeshur” dhe kur “për të qarë”.
"Unë gjithmonë theksoj se ka dy lloje të ndryshme të dështimit," shkruan Bezos. "Ka një dështim eksperimental - ky është lloji i dështimit me të cilin duhet të jesh i kënaqur." Por Bezos gjithashtu vëren se ka edhe "dështim operacional" dhe sipërmarrësit nuk duhet ta tolerojnë këtë gjë.
“Ne kemi ndërtuar qindra qendra të Amazon ndër vite dhe e dimë si ta bëjmë këtë gjë. Nëse ndërtojmë një qendër të re dhe dështojmë, kjo nuk është gjë e mirë, sepse zgjerimi i biznesit në një territor të njohur nuk duhet të përfshijë rrezikun. Nëse dështoni në diçka që dini ta bëni mirë, nuk ka ndonjë gjë për t’u festuar,” thotë ai.
Përfundimi sipas Bezos është se, "kur ne jemi duke zhvilluar një produkt ose shërbim të ri ose duke eksperimentuar në një farë mënyre, dhe nuk funksionon, kjo është në rregull. Ky është një dështim i mirë. Dhe ju duhet të bëni dallimin midis këtyre dy llojeve të dështimit dhe të kërkoni për risi të tjera.”
Pyetja kryesore që duhet të bëni është që nëse po përpiqeshit të bënit diçka të mirë, para se të dështonit. Nëse po, mësoni nga gabimet dhe mos u ndjeni keq për to. Kur nuk realizoni dot diçka, të cilën duhet ta kishit ditur tashmë, thjesht e dreqosët.
Me fjalë të tjera, duhet të hiqni dorë nga dështimi si çmimi i të qenit i guximshëm, por ta ndjeni “dhimbjen” e dështimit, në mënyrë që t’ju ndihmojë të ecni përpara.
Burimet: Inc Magazine, Business Insider
