Social Buzz

‘I dashuri më bëri të mendoj se ishte 10 vjet më i ri se mosha e tij aktuale, për një vit të tërë’

Shkruar nga Anabel

20 Nëntor 2020

‘I dashuri më bëri të mendoj se ishte 10 vjet më i ri

Ishte patenta e tij që “e tradhtoi”. Ai më kishte thënë të zgjidhja një film në iPad-in e tij, shoqëruar me një zë nga dhoma tjetër: “Fjalëkalimi është ditëlindja ime”.

Unë e dija muajin e tij të lindjes, por nuk doja të ngatërrohesha me vitin e saktë, kështu që kërkova për ID-në (kartën e identitetit) në portofolin e tij. Siqodoftë, patenta më doli e para dhe atë mora.

Një moment shtanga, pastaj mendova se e llogarita gabim dhe bëra diferencën me makinën llogaritëse të telefonit tim. Kisha të drejtë: Ai ishte plot 45 vjeç dhe jo 35, ashtu siç më kishte thënë.

Kur ne të dy u pamë për herë të parë në një bar, mund ta dalloja që ai ishte më i madh se unë, 20 e ca vjeçarët nuk mbajnë një orë që kushton më shumë se qeraja ime, por gjithashtu nuk vura re ndonjë rrudhë të thellë që dukej si e babait tim.

Për më tepër, ai ishte tërheqës në sytë e një 23-vjeçareje si unë. Kështu që e pranova e ftesën e tij për të dalë.

Roberti më bëri përshtypje me njohuritë e tij për verërat më të mira dhe kinemanë klasikë dhe unë isha gati ta puthja në takimin tonë të parë, edhe pse ai më tha se ishte 12 vite më i madh se unë.

Nga ai takim, ne vazhduam të dilnim përsëri. Ai u takua me familjen time, dhe unë u takova me miqtë e tij. Ata ishin mjaft të këndshëm dhe gjithçka dukej në rregull. (Roberti, më vonë më tha se edhe miqtë e kishin pyetur: “Edhe sa do ta vazhdosh këtë gjë?”)

“ÇFARË ËSHTË KJO?!”, e pyeta e stresuar pasi mësova të vërtetën, duke i sjellë patentën përpara syve.

Më tha se kishin bërë një gabim në licensë dhe këmbënguli për këtë. Pastaj më akuzoi për “kontroll dhe përgjim”.

Por, pjesa që më mërzit më shumë është kjo: Unë nuk u ndava me të direkt pasi kuptova se më gënjeu për 1 vit.

 Sidoqoftë, pas një periudhe të shkurtër mendova: “Për çfarë më ka gënjyër tjetër?”.

Nëse ai do të më thoshte moshën e vërtetë, ndoshta asgjë s’do ndryshonte, ndoshta do ndryshonte gjithçka, por gënjeshtra, komploti, ndjenja e fajit që u përpoq të më jepte? Jo, nuk ia vlente asgjë.

Nuk pendohem aspak që e lashë pas atë lidhje, por tani, sa herë takoj dikë, nuk harroj t’i pyes:

“Mund ta shoh pak ID-në të lutem?”

*Emri është ndryshuar për të mbrojtur një ego të brishtë.

Përshtatur nga Cosmopolitan

MOS I HUMBISNI