Ekspertët federalë dhe shtetërorë të sigurisë kibernetike në Shtetet e Bashkuara nuk kanë gjetur prova të mashtrimit të votuesve në zgjedhjet e fundit presidenciale, duke i quajtur ato “zgjedhjet më të sigurta në historinë amerikane”.

Një koalicion ekspertësh ka lëshuar një deklaratë që hedh poshtë çdo pretendim për manipulime që mund të kenë kompromentuar rezultatin, pavarësisht pretendimeve të përsëritura nga Donald Trump dhe mbështetësit e tij.

“Ndërsa ne e dimë se ka shumë pretendime të pabazuara dhe mundësi për keqinformime në lidhje me procesin e zgjedhjeve tona, ne mund t'ju sigurojmë se kemi besimin maksimal në sigurinë dhe integritetin e zgjedhjeve dhe ju duhet të keni gjithashtu”, thotë një deklaratë nga ekspertët më të rëndësishëm të sigurisë kibernetike në vend.

Chris Krebs, drejtori i Sigurisë Kibernetike dhe Agjencisë së Sigurisë së Infrastrukturës postoi në Twitter deklaratën, duke u thënë ndjekësve të tij:

“Amerikë, ne kemi besim në sigurinë e votës suaj. Dhe ju duhet të keni.”

Deklarata shpjegoi se ekipi nuk kishte gjetur absolutisht asnjë provë të humbjes, fshirjes ose ndryshimit të votave, duke shtuar se të gjitha shtetet në të cilat votimi ishte afër, kanë shënime letre për të gjitha fletët e votimit për “identifikimin dhe korrigjimin e ndonjë gabimi”.

Sidoqoftë, përkundër deklaratave të ekipit të sigurisë kibernetike, ekipi i Trump vazhdon me sfidat e shumta ligjore në shtetet kyçe.

Burimi: Unilad