Pushteti

Frymëzuese: Zv.Presidentja e SHBA-së, Kamala Harris bën histori për të disatën herë!

Shkruar nga Anabel

7 Nëntor 2020

Frymëzuese: Zv.Presidentja e SHBA-së, Kamala Harris bën histori

Një emigrante nga India, e cila erdhi në Shtetet e Bashkuara me ëndrrën për t’u shëruar nga kanceri, Shyamala Gopalan Harris rriti Kamala-n dhe motrën e saj, Maja, si gra të forta dhe të vetëdijshme për identitetin dhe jetën e tyre.

“Nëna ime më shihte dhe më thoshte: Kamala, ti mund të jesh e para në shumë gjëra që do bësh, por sigurohu të mos jesh e fundit.”

Shyamala kishte të drejtë!

Vajza e saj ka qenë e para disa herë.

Në vitin 2010, Harris u bë gruaja e parë afrikano-amerikane dhe e para që shërbeu si prokurore e përgjithshme e Kalifornisë.

Në vitin 2016, ajo u bë gruaja e parë indiano-amerikane që u zgjodh në Senatin e Shteteve të Bashkuara.

Në gusht të vitit 2020, ajo u bë gruaja e parë me ngjyrë dhe gruaja e parë aziatiko-amerikane, kandidate si zëvëndëspresidente në një parti të madhe politike.

Sot, Kamala Harris është zyrtarisht zëvëndëspresidentja e parë aziatiko-amerikane në SHBA, zëvendëspresidentja e parë me ngjyrë dhe zëndendëspresidentja e parë grua.

 
 
 
 
 
View this post on Instagram
 
 
 
 
 
 
 
 
 
 
 

A post shared by Kamala Harris (@kamalaharris) on

Në daljen e saj të parë publike pas garës, Harris tha në një postim në Twitter:

“Këto zgjedhje kanë të bëjnë me shumë më shumë se rezultatet. Bëhet fjalë për shpirtin e Amerikës dhe gatishmërinë tonë për të luftuar për të. Kemi shumë punë para nesh. Le të fillojmë."

Prania e Harris në garën e vitit 2020 ka qenë një kujtesë e fuqishme e asaj që ka munguar në politikë dhe udhëheqjen e grave.

“Është një moment i bukur dhe frymëzues për Amerikën, sepse mendoj se gratë, dhe më konkretisht gratë me ngjyrë, kanë dhënë kaq shumë dhe janë pak a shumë shtylla kurrizore e këtij vendi. Mendoj se, të jem në gjendje të shoh dikë që duket si unë, në një nga ato pozicione, është një nivel krenarie që nuk mund ta përshkruaj”, shprehet Alia Daniels, bashkëthemeluese e rrjetit botëror të mediave dixhitale queer Revry.

Henah Parikh, menaxhere e zhvillimit dhe komunikimit në She's The First, një organizatë jofitimprurëse jopartiake e përkushtuar për të luftuar pabarazinë gjinore përmes arsimit shprehet:

“Hulumtimet tregojnë se, pa modele të gruas, vajzat pushojnë së besuari se mund të bëhen gjithçka që dëshirojnë që në moshën 5 vjeç. Gratë si Harris ndihmojnë në luftimin e kësaj. Ato hapin rrugën për të “tërhequr” gra dhe vajza të tjera në rrugën e tyre. Kjo është kaq e rëndësishme për mua dhe për shumë gra.”

Zgjedhja e zëvëndëspresidentes, Kamala Harris vjen në një moment ku pandemia ka detyruar mijëra njerëz të mos punojnë.

Gratë janë prekur në mënyrë të pabarabartë: Sipas Byrosë së Statistikave të Punës, 865,000 gra u larguan nga fuqia punëtore në shtator në SHBA, ndërkohë që shifra për burrat është 216,000.

Frymëzimi që Harris u ka ngulitur tashmë vajzave të reja, duket në faktin se sa “virale” ajo është bërë në rrjetet sociale apo se si shumë gra dhe vajza u veshën si “Kamala Harris” për Halloween.

 
 
 
 
 
View this post on Instagram
 
 
 
 
 
 
 
 
 
 
 

A post shared by Kamala Harris (@kamalaharris) on

Harris, 56 vjeç, lindi në Oakland, Kaliforni. Nëna e sij, Shyamala Gopalan, ishte shkencëtare e kancerit të gjirit e cila emigroi nga Tamil Nadu, Indi në 1960 për të ndjekur një doktoraturë në endokrinologji në Universitetin e Kalifornisë, Berkeley. I ati i saj, Donald J. Harris, ishte një profesor i njohur i ekonomisë në Universitetin Stanford, i cili emigroi nga Xhamajka në vitin 1961 për studime pasuniversitare për ekonomi në Bekerley. Të dy prindërit e saj ishin aktivistë për të drejtat e njeriut dhe në marshimet për të drejtat civile në vitet 1960, i merrnin edhe vajzat me vete. E motra e saj, Maya Harris, është ndihmësja e saj. Maya është avokate, aktiviste e të drejtave të njeriut dhe ka punuar në 2016-n në fushatën e Hillary Clinton.

Së fundmi, Kamala nisi një legjislacion në mbështetje të edukimit për fibromat e mitrës, që synon të forcojë më tej këto çështje (tumoret jokanceroze që rriten dhe zhvillohen në mitër). Kamala mbështeti gjithashtu Marrëveshjen e Re të Gjelbër, të propozuar nga Alexandria Ocasio-Cortez dhe Edward J. Markey, një rezolutë që paraqet një plan të Shteteve të Bashkuara për kontributin në lidhje me ndryshimet klimatike.

Harris prej kohësh ka kritikuar politikat e Donald Trump, si për shembull ndërtimi i murit në kufi me Meksikën. Ajo reagoi ashpër kundër vendimit për t’i dhënë fund programit të Obama-s që mbron fëmijët e emigrantëve të paligjshëm. Harris ndër të tjera është mbështetëse historike e LGBTQ+, madje është e para që zyrtarizoi martesat ligjore brenda të njëjtit seks në Kaliforni. Barack Obama u shpreh se “Kamala është shumë më tepër se e përgatitur për të qenë zëvendëspresidente”.

Kamala ka botuar dy libra. Në “The Truths We Hold” tregon kujtimet e fëmijërisë dhe hapat e parë në karrierën e saj në Kaliforni, ndërsa në librin e dytë, “Superheroes Are Everywhere”, paraqet fotografi për fëmijë përmes të cilave synon që të motivojë brezin e ri që të gjejë mënyra për ta bërë botën një vend më të mirë.

Ajo është e martuar që prej vitit 2014 me avokatin Douglas Emhoff.

Burimi: Forbes, The Guardian, Politico, The Oprah Magazine

MOS I HUMBISNI