Johnny Depp është tërhequr nga roli i tij në serialin "Fantastic Beasts", pas humbjes së gjyqit në fillim të nëntorit. Një lajm të tillë aktori e bëri publik vetë përmes një posti në Instagram, ku e konfirmonte për 7.4 milionë ndjekësit e tij. Drejtuesit e Warner Bros i kanë kërkuar aktorit të tërhiqet nga roli, pas humbjes së çështjes kundër botuesit të gazetës britanike The Sun, e cila pretendon që Depp është një burrë abuziv.
"Dua t'ju bëj me dije se më është kërkuar të heq dorë nga roli im i Grindelëald në "Fantastic Beasts" dhe unë e respektoj dhe pranoj kërkesën."- shkruan ai.
View this post on Instagram
Në fund të deklaratës ylli i filmave thotë se do të apelojë për vendimin e gjykatës, duke siguruar se do t'i shkojë gjer në fund të vërtetës.
"Gjykimi surreal i gjykatës britanike nuk e ndryshon luftën time për të thënë të vërtetën dhe po ju them se kam ndërmend të apelojë. Vendosmëria ime mbetet e fortë dhe do të vazhdojë të provojë që akuzat kundër meje janë false. Jeta dhe karriera ime nuk përcaktohet nga ky moment."
Depp ka luajtur në serial që prej 2016-ës, por përfshirja në akuzat e Amber Heard dhe dramat me të e bënë të diskutueshëm pjesëmarrjen e tij.
Depp paditi Neës Group Neëspapers dhe Dan Wootton, redaktorin ekzekutiv të The Sun, për një artikull që pretendonte se ylli i "Pirates Of the Caribbean" ishte i dhunshëm ndaj Heard, gjatë kohës që ata ishin së bashku. Gjykata e Lartë e Mbretësië së Bashkuar vendosi të hënën në favor të botuesit.
Burimi: BuzzFeed
