Zgjedhjet në SHBA midis kandidatit republikan Donald Trump dhe kundërshtarit të tij, demokratit Joe Biden, janë konsideruar gjerësisht si në nga ngjarjet më të rëndësishme në historinë e Amerikës dhe jo vetëm. Nga ana tjetër, klani Kardashian-Jenner është konsideruar gjerësisht si “lider në marketing” dhe thënë kjo, mbërrijmë te kritika (e radhës) për Kylie Jenner.

Gjatë natës së zgjedhjeve, Kylie publikoi koleksionin Kendall Collection, dedikuar ditëlindjes së 25 të Kendall-it.

“Kylie, ne të duam, por nuk është momenti,” shkroi një ndjekës i saj në Twitter. “A postove vërtet diçka për biznesin tënd? Nuk e di nëse je në dijeni, por janë zgjedhjet sot,” shkroi një tjetër. “Kylie, mund të kishte pritur kjo gjë”, “Vajzë, nuk është koha të promovosh markën tënde”, “Ka gjëra më të rëndësishme që po ndodhin”, "Nuk më intereson" janë disa komente pasuese.

Të tjerë njerëz ironizojnë duke thënë: “Nuk është ‘gëzuar ditëlindjen’, por ‘unë vjedh nga LGBTQ dhe kultura e njerëzve me ngjyrë, por teksa ata qëndrojnë në shtëpi të frikësuar dhe në ankth, unë e kam mendjen te xhepi im’.”

Në pjesën më të madhe të komenteve lexohet “read the room”, që nënkupon se Kylie duhet të kishte pritur për një moment më të përshtatshëm.