Lëvizja e fundit ligjore e Meghan Markle po i bind njerëzit se ajo është shtatzënë për herë të dytë me bashkëshortin e saj, Princ Harry-n. Po, ky është shumë informacion për t’u kuptuar nga një manovër ligjore, kështu që le ta shohim më mirë.

Në thelb, Meghan, kohët e fundit, i kërkoi gjykatës të shtyjë një datë të ardhshme për padinë e saj të privatësisë kundër Daily Mail, të cilën gjykata e dha si lajm këtë javë, duke u shprehur se shtyrja do të bëhet “për arsye konfidenciale”.

Gjyqi ishte planifikuar të fillonte në 11 janar, por të enjten, 29 tetor, gjykatësi Z. Justice Warby miratoi kërkesën e Meghan për të shtyrë gjyqin, i cili tani do të fillojë, jo më shpejt se 15 tetor 2021.

“Përfundimi im është që vendimi i duhur në të gjitha rrethanat është dhënia e miratimit”, tha Warby gjatë një seance paragjyqësore në Gjykatën e Lartë në Londër, sipas People. “Kjo do të thotë që data e vazhdimit të gjyqit 11 janar 2021, do të rivendoset për një datë të re në vjeshtë.”

Fakti që gjyqi u shty me pothuajse saktësisht nëntë muaj nuk i shpëtoi vëmendjes së shumë njerëzve.

 Disa shkuan në Twitter jo shumë kohë pas publikimit të lajmit dhe dhanë teoritë e tyre:

“Meghan Markle është shtatzënë. Arsyetimi im për këtë është bazuar në shtyrjen me 9 muaj të gjyqit.”

“Meghan Markle shtyu datën e gjyqit për në vjeshtë 2021 dhe njerëzit po spekulojnë se e bëri këtë ngaqë është shtatzënë. Kështu mendoj dhe unë.”

“Arsye konfidenciale... 9 muaj...mmm..çfarë tjetër kërkon 9 muaj?”

“Unë do filloj spekulimet. Meghan Markle mund të jetë shtatzënë.”

“Domethënë, Meghan Markle është prap shtatzënë?”

“Pra, jemi të gjithë dakord: Meghan Markle është shtatzënë. Një vonesë 9 muaj është shumë specifike.”

Burimi: Marie Claire