Bota

SHBA: Nuk mund të gjenden prindërit e më shumë se 500 fëmijëve emigrantë, të ndarë në 2017-ën

Shkruar nga Anabel

22 Tetor 2020

SHBA: Nuk mund të gjenden prindërit e më shumë se 500

Avokatët që kanë për detyrë të lokalizojnë familjet imigrante të cilat u ndanë  nga administrata Trump thonë se ata nuk janë në gjendje të arrijnë në kontakt me prindërit  e 545 fëmijëve në një përpjekje që është penguar nga pandemia e koronavirusit, sipas një gjykate të regjistruar të martën.

"Njerëzit vazhdimisht më pyesin kur do t'i gjejmë të gjitha familjet dhe unë fatkeqësisht nuk e di," shprehet Lee Gelernt, avokati kryesor i çështjes dhe zëvendës drejtori i Projektit për të Drejtat e Imigrantëve ACLU* për BuzzFeed News.

*ACLU - American Civil Liberties Union (Unioni Amerikan i Lirive Civile)

“Çdo fëmijë ka historinë e tij dhe kjo është aryseja pse ne nuk mund të ndalojmë së kërkuari, derisa të gjejmë çdo familje!”

Në vitin 2018, administrata Trump ndau sistematikisht mijëra fëmijë nga prindërit e tyre nën atë që quhej “politikë e tolerancës zero", në të cilën prindërit u dërguan në burg federal para se të shkonin në gjykatë me akuzat e hyrjes në SHBA pa autorizim.

Për shkak se fëmijët nuk mund të dërgohen në burg federal me prindërit e tyre, qeveria i ndau, i renditi si të mitur të pashoqëruar dhe i transferoi në kujdestarinë e Zyrës së Rivendosjes së Refugjatëve.

Raporti i së mërkurës buron nga një proces gjyqësor i ngritur nga ACLU, në shkurt të vitit 2018 në emër të një azilkërkueseje kongoleze të identifikuar si Znj L, e cila ishte ndarë nga vajza e saj 7-vjeçare nga autoritetet e emigracionit të SHBA-së.

 Nëna dhe vajza u ribashkuan, por çështja u zgjerua në një proces gjyqësor që mbuloi mijëra familje emigrantësh të ndara nga qeveria amerikane.

Pas zbulimit vitin e kaluar se administrata Trump në të vërtetë kishte ndarë familjet që në verën e 2017-ës, si pjesë e një programi pilot, hulumtimi u zgjerua për të përfshirë 1030 fëmijë të tjerë, që ishin ndarë nga prindërit e tyre që nga 1 korriku i vitit 2017.

Që nga e marta, një komitet i firmave ligjore dhe jofitimprurëse që ACLU krijoi për të gjetur familjet e ndara ka provuar të arrijë prindërit e të gjithë anëtarëve, duke arritur me sukses kontaktin me 485 prej prindërve të fëmijëve, thekson raporti.

Nga prindërit që komiteti nuk ka qenë në gjendje të arrijë, ACLU beson se afërsisht dy të tretat tashmë janë deportuar në vendet e tyre të lindjes.

Gelernt e përshkroi situatën si “jashtëzakonisht të trishtë”, duke shtuar se disa nga fëmijët, që tashmë jetojnë në SHBA me familje strehuese (foster families) apo me një të afërm, ishin foshnje kur u ndanë tre vjet më parë dhe kanë kaluar një pjesë të jetës, të ndarë nga prindërit e tyre.

Raporti deklaroi se ndërsa përpjekjet në terren u pezulluan për shkak të pandemisë, tashmë ato po fillojnë përsëri.

MOS I HUMBISNI