Në vitin 2007, Princi William thuhet se u nda me Kate Middleton nëpërmjet telefonit, teksa ajo ishte në mes të një takimi pune.

Sipas librit të ri, “Battle of Brothers” (Beteja e Vëllezërve), nga historiani mbretëror, Robert Lacey, William ishte "i pasigurt" në lidhje me marrëdhënien e tij me Kate, me të cilën atëherë, ai ishte i lidhur prej 6 vitesh, kështu bëri një hap të nxituar ekzaktësisht në 11 pril të vitit 2007.

“Kate u justifikua dhe doli nga takimi i saj në Jigsaw, dyqani i modës me të cilin ajo kishte filluar të punonte, për t’i kthyer telefonatën princit William, shkruan Lacey, sipas raportimeve të US Weekly.

“Ajo mbylli derën për më shumë se një orë. Kur doli, ishte beqare!”

Ndarja ishte e dyta për William dhe Kate, pas një ndarje të mëparshme në vitin 2004 dhe Kate ishte e vendosur t'i tregonte William se ajo ishte shumë mirë pa të.

Dukesha e ardhshme e Cambridgde, shkruan Lacey, “ishte parë duke shijuar vetminë në qarkun e partisë në Londër. Zonja Middleton nuk donte të dukej sikur ishte “mundur” dhe e gjithë kjo indeferencë funksionoi. William e mori mesazhin.”

Princi raportohet se filloi t’i mungonte jo vetëm Kate, por edhe familja e saj.

Dhjetë javë e gjysmë pas ndarjes, Kate dhe William u panë duke u puthur në një festë dhe tre vjet më vonë, ata u fejuan.

Mesa duket, asnjë ndarje e rëndomtë, nuk mund ta ndryshojë rrjedhën e dashurisë së vërtetë, apo jo?

Burimi: In Style, US Weekly