U jep përparësi produkteve qetësuese për lëkurën e saj të ndjeshme
Sofia thotë se lëkura e saj nisi të ketë rosacea për shkak të qëndrimit të vazhdueshëm në llambat me nxehtësi të lartë gjatë xhirimeve. Për shkak të lëkurës së ndjeshme, ajo zgjedh produkte me pak përbërës. “Më duhet ta trajtoj fytyrën me produkte që janë specifikë për lëkurën e ndjeshme,” tha ajo në vitin 2019 për Who What Wear.
Mbrohet nga dielli dhe mban gjithmonë kapele
Aktorja është shprehur vazhdimisht se kremi mbrojtës ndaj diellit është produkti më i mirë për të parandaluar problemet që vijnë me rritjen në modhë. “Në të njezetat e mia, fillova të përdor krem dielli në fytyrë,” tha ajo për People në vitin 2016. “Do të doja ta kisha vënë edhe te pjesa e gjoksit.” Kur qëndron jashtë, mban gjithnjë kapele për të mbuluar fytyrën.
View this post on Instagram
E merr shkëlqimin nga produktet, jo rrezet ultravjollcë
Sipas dermatologes së saj për një kohë të gjatë, Dendy Engelman, “Sofia nuk e ekspozon lëkurën ndaj rrezeve të dëmshme të diellit”. Ajo zgjedh kremra nxirës.
Pëlqen të përfshirë vajra në rutinën e kujdesit të lëkurës
“Pasi bëj dush në darkë, preferoj të vendos vaj calendula – është i mirë për lëkurën e ndjeshme dhe me të vërtetë që ma ka qetësuar,” tha ajo për Health në vitin 2018. Në vitin 2017, u shpreh se kur bashkëshorti nuk është në shtëpi, aplikon vaj kokosi kudo dhe fle.
View this post on Instagram
I kushton vëmendje dietës për një lëkurë të pastër
“Unë konsumoj shumë ushqime, ha boronica dhe pi çaj jeshil,” u shpreh Sofia për Health. “Shtoj një lugë kolagjen pluhur në çajin e kamomilit në mbrëmje, nuk e di se çfarë bën ekzaktësisht, por e bëj këtë gjë. Përpiqem të pi shumë ujë. Ajo e cilëson hidratimin si “pjesën më të rëndësishme për rutinë e bukurisë” dhe sugjeron pirjen e ujit të gazuar gjithashtu, për t’i përzierë pak gjërat.
Aplikon produkte me masë
“Përdor retinolin, por në mënyrë të moderuar,” u shpreh për Health. “Përdor edhe vitaminën C, gjithashtu në mënyrë të kujdesshme.”
Tregon kujdes për lëkurën e trupit
“Unë vendos shumë produkte në qafë dhe gjoks,” tha ajo për Health. Dermatologia e saj zbuloi se Sofa përdor produkte për të ndihmuar lëkurën që të duket më e fortë dhe më e konturuar.
View this post on Instagram
Nuk harron ta përfundojë ditën me një fytyrë të pastër
“Unë heq grimin çdo natë me një sfungjer të butë, të cilin e ndërroj çdo javë. Jam shumë strikte përsa i përket heqjes së grimit çdo mbrëmje.”
- Maskne janë aknet e reja: Çfarë duhet të dini për to dhe si t'i parandaloni!
- Dermatologët këshillojnë: 5 produkte që s’duhet t’i përdorni nga tetori në shkurt
- 8 ushqime që duhet t'i keni patjetër në dietën tuaj, për lëkurë më të mirë!
- Gabime të përditshme që ju shkaktojnë rrathë poshtë syve
- Fjalorthi i kujdesit të lëkurës: Ju shpjegojmë të gjithë përbërësit
Burimi: Women’s Health
