Koha e palltove/pardesyve ka ardhur zyrtarisht! Nëse temperaturat e ulta dhe moti i keq ju gjeti pa përgatitur, po ju japim një dorë. Para se të blini pallton/xhupin/pardesynë e radhës, hidhini një sy modeleve më IN të këtij sezoni.
Stili oversize do t'ju bëjë të ndiheni si Audrey Hepburn, kurse xhaketa e gjerë e lëkurës do t'ju çojë më pranë modës së viteve '70-të! Në fund të ditës, zgjedhja është e juaja, por frymëzimi s'bën kurrë keq!
1. Pardesy oversize
Elegante, klas dhe komode! Mbi të gjitha, mund të veshësh ç'të duash!
2. Xhup/pallto
Një variant më sportiv i palltos. I ngrohtë, lehtësisht i kombinueshëm dhe sërish, njësoj i rehatshëm.
3. Palltot e trikotuara
Palltoja klasike që s'njeh kohë!
4. Pardesyja vinyl
Nëse gjërat e zakonshme ju janë mërzitur, një super ide për t'u dukur ekstra janë pardesytë vinyl!
5. Palltot vintage
Lëkurë e gjatë dhe pak pellush. Qejfi i ditëve të ftohta!
Burimi: Who What Wear
