Shpirti binjak---gjysma tjetër, dikush që ju kupton edhe pa folur fare. Me një shikim. Eshtë një bashkim mendjesh, trupash, respekti dhe mirëkuptimi të papërjetuar më parë. Thonë se njeriu është në kërkim të kësaj gjysme gjatë gjithë jetës, dhe endet i paqetë derisa ta gjejë. Po nëse e gjen? Ndihesh i përmbushur, i qetë dhe i lumtur. Të paktën sipas një babai të psikologjisë shpirtërore, Karl Jung. Do ta kuptoni nëse e keni gjetur shpirtin tuaj binjak, sepse gjithçka do të ndryshojë:
Gjysma tjetër do t’ju ndihmojë të qartësoni problemet
Një shpirt binjak është më shumë se një dashuri; është një partner krimi. Ai do të jetë një lehtësim i madh për shqetësimet tuaja, sepse ju bën t’i shikoni ato nën një dritë të re dhe t’u qaseni ndryshe. Kur e keni atë pranë, ndiheni plot energji dhe i përballoni të gjitha me pozitivitet.
Do të ndjeni se çdo gjë po shkon në vendin e vet
Nëse gjeni gjysmën tjetër, ndodh një bashkim i rrallë që ndikon në gjithë mjedisin rreth jush: shkoni shkëlqyeshëm me miqtë, punën, familjen. Është sikur t’i keni hapur më në fund derën të mirave!
Do ta keni më të thjeshtë të afroheni me njerëzit
Mënyra sesi ndërveproni me gjysmën tjetër tuajën e bën më të lehtë ndërveprimin edhe me të tjerët. Duket sikur shpirti juaj binjak pastron shpirtin tuaj nga negativitetet, duke hyrë me rrjedhshmëri në marrëdhënie me njerëzit.
Do t’ju hapen horizonte të reja
Në sytë tuaj, gjysma tjetër duket gjithmonë si një botë e re, plot entuziazëm, energji, që ju frymëzon të zgjeroni perspektivat. Do të kërkoni ta shihni botën me sytë e tij, në të njejtën mënyrë siç e keni parë deri më tani me sytë tuaj.
Edhe njerëzit rreth jush do të gjejnë dashurinë
Dashuria mes 2 shpirtërave binjakë është diçka e jashtëzakonshme. Aq e pazakontë, sa i infekton edhe të tjerët!
Burimi: Higher Perspective
