Prapavijat e Mërkurit ndodhin rreth 3 herë në vit, për rreth tre javë në të njëjtën kohë dhe gjatë këtyre periudhave, ne përjetojmë një miks emocionesh dhe kemi një lloj ngadalësimi, kur bëhet fjalë për komunikimin, të menduarit, kohën, teknologjinë dhe transportin.
Ja disa këshilla të thjeshta për të qenë të përgatitur për prapavijën përfundimtare të Mërkurit të vitit 2020:
#1
Ndoshta burimi më i madh i dramës gjatë prapavijës së Mërkurit, do të vijë tek keqkuptimet e thjeshta në komunikim. Rilexoni mesazhet që iu vijnë dhe që shkruani, përpara se t’i dërgoni. Mendoni para se të flisni dhe jini të qartë për datën apo orën e lënies së një takimi të caktuar.
#2
Nëse jeni duke ndjekur një punë të re ose po konsideroni ndonjë blerje të madhe, prisni derisa të përfundojë prapavija, për të përfunduar planet tuaja. Gjatë kësaj kohe, ka më shumë gjasa që të anashkaloni detaje të rëndësishme ose të keqkuptoni kushtet e një kontrate, kështu që shtyni nënshkrimin e ndonjë gjëje detyruese, nëse mundeni.
#3
Mërkuri është planeti i kohës, kështu që prisni që kalendari juaj të ndihet kaotik. Konfirmoni zonat kohore, nëse flisni me dikë jashtë vendi, kontrolloni mirë oraret e vendosura për takimet në Zoom dhe jepini vetes kohë shtesë midis punëve që keni për të bërë, pasi trafiku apo probleme të tjera momentale, mund t’ju vonojnë dhe t’ju prishin planet.
#4
Ky tranzit mund të ndikojë edhe në jetën tuaj të dashurisë. Kini kujdes nga ish-të dashurit që shfaqen në inbox-in tuaj, duke iu kërkuar për një shans të dytë. Nëse jeni në një lidhje, përgatituni që inatet e fshehura të dalin në sipërfaqe. Nëse jeni beqar, dijeni se flirtet që fillojnë tani, mund të mos zgjasin shumë.
#5
Problemet teknologjike janë gjithashtu famëkeqe gjatë prapavijës së Mërkurit, prandaj ruani në një vend të dytë dokumentet e rëndësishme, përpara se ato t’ju humbasin apo të fshihen nga probleme të papritura. Jini të durueshëm nëse laptopi juaj do kohë të ndizet, apo nuk është aq i shpejtë sa zakonisht.
Prapavijat e Mërkurit janë të bezdisshme, por nëse e dini se ç’pritet të ndodhë dhe merrni disa masa paraprake, mund ta kaloni pa shumë dëme.
Përqafoni ngadalësimin dhe përdoreni këtë kohë për të reflektuar, për të parë se ku jeni dhe ku dëshironi të mbërrini në të ardhmen apo cilat janë planet tuaja.
Burimi: Bustle
