Shkencë

2 gratë që rishkruan kodin e jetës fitojnë çmimin Nobel në Kimi

Shkruar nga Anabel

7 Tetor 2020

2 gratë që rishkruan kodin e jetës fitojnë çmimin
Emmanuelle Charpentier, majtas, dhe Jennifer A. Doudna në Oviedo, Spanjë, në vitin 2015.

Për herë të parë në histori, një Nobel në shkencë iu dha dy grave. Dr. Emmanuelle Charpentier dhe Dr. Jennifer A. Doudna u vlerësuan për punën e tyre në zhvillimin e Crispr-Cas9, një metodë për ndryshimin e gjenomit.

"Çmimi i këtij viti ka të bëjë me rishkrimin e kodit të jetës", tha Goran K. Hansson, sekretari i përgjithshëm i Akademisë Mbretërore Suedeze të Shkencave, teksa shpalli emrat e laureatëve.

Crispr-Cas9 funsksionon si “gërshërë” gjenetike, që lejon studiuesit të ndryshojnë ADN-në e kafshëve, bimëve dhe mikroorganizmave me një saktësi jashtëzakonisht të lartë. "Kjo teknologji ka transformuar plotësisht mënyrën se si ne bëjmë kërkime në shkencën themelore", tha Dr. Francis Collins, drejtor i Instituteve Kombëtare Amerikane të Shëndetit.

2 gratë që rishkruan kodin e jetës fitojnë çmimin
Emmanuelle Charpentier

Dr. Charpentier, franceze, është drejtoresha e Max Planck Unit për Shkencën e Patogjenëve në Berlin. Dr. Doudna është profesoreshë në Universitetin e Kalifornisë, Berkeley. Dr. Charpentier tha se ishte "e lumtur" që ishte një nga pak fitueset gra të çmimit dhe shpresonte se fitorja do të ishte frymëzuese për gratë e reja "për të ndjekur rrugën e shkencës".

2 gratë që rishkruan kodin e jetës fitojnë çmimin
Jennifer A. Doudna

Dr. Charpentier, 51 vjeç dhe Dr. Doudna, 56 vjeç, u takuan në një kafene në Porto Riko në 2011 gjatë një konference ku ishin të dyja të pranishme, tha komiteti Nobel. Ato e prezantuan Crispr-Cas9  në vitin 2012.

Burimi: New York Times

MOS I HUMBISNI