Chanel 2.55
Gabrielle Bonheur Chanel (Coco Chanel) e krijoi çantën në shkurt të vitit 1955, nga ku mori edhe emrin 2.55, dhe sipas markës, është një datë për t’u mbajtur mend, sepse është çanta e parë për gra që u krijua për t’u mbajtur në krahë. Një fakt interesant: Xhepi i fshehtë brenda çantës kishte si qëllim ruajtjen e letrave të fshehta të dashurisë.
Chanel Classic 11.12
Chanel Classic u krijua në vitin 1983 nga Karl Lagerfeld dhe njihet edhe si 11.12 dhe është një risjellje e Chanel 2.55. Dallimi kryesor i tyre është se Lagerfeld vendosi në dizajn logon e famshme me dy shkronjat C.
Chanel Boy
Çanta Chanel Boy u lançua në vitin 2011 dhe i dedikohet Boy Capel. Capel, emri i vërtetë i të cilit ishte Arthur Edward Capel, ishte dashuria e parë e Coco Chanel dhe i konsideruar gjerësisht si muza e saj.
Gabrielle
Çantat Gabrielle, të cilat vijnë në një larmishmëri formash dhe ngjyrash, u krijuan nga Karl Lagerfeld dhe u quajtën Gabrielle në nder të themelueses së Chanel.
Chanel Vintage Mini Quilted Satin Flap Bag
Koleksioni Vintage është i realizuar në material tekstil dhe përmban qepjet me rombe.
View this post on Instagram
Burimet: Chanel.com, ViaAnabel.al