Elita Rudi, gjatë një interviste për "Prive" zbuloi 5 datat më të rëndësishme të jetës së saj. Sigurisht, mes tyre ishte njohja me Gjikon, lindja e Zërit dhe lajmi i shtatzënisë së dytë. 

Moderatorja tregoi detaje nga njohja me reperin, takimi me të cilin nisi si një intervistë, por përfundoi në bisedë që zgjati plot 8 orë.

"S'ma ka marrë mendja se do të krijoja diçka në vendin e punës dhe as e mendoja ndonjëherë se do të ishte me Gjikon. S'doja ta merrja burrin këngëtar, ose reper. Kur u takuam për herë të parë, para emisionit, u takuam për të folur paraprakisht. Fillimisht takimi mezi u bë, dy ose tre herë kam refuzuar t'ja bëj intervistën se unë nuk dua. U transmetua një tjetër energji kur u takuam. Dhurata e parë e Gjikos për mua ka qenë një bojë flokësh në ngjyrë të zezë. Ai donte t'i bëja se s'bën flokët e zeza."- tregon Elita.

Përsa i përket lindjes së djalit, Elita e përshkruan si ndjesi "jashtë kësaj bote", por më mirë akoma duket se lindjen e tij e ka shijuar Gjiko.

"Gjiko ishte në sallë me mua dhe ende pa lindur bërtiste "o djali im, djali im". Mjekët i kërkonin të pushonte sepse djali s'kishte lindur ende, por asgjë s'e mbante. Kur lindi, ja dhanë djalin dhe i thanë "dil ti bashkë me të".

Në lidhje me shtatzëninë e dytë, Elita tregon se nuk ishte e planifikuar, por sigurisht shumë e dashur. Çifti pret të bëhet me vajzë dhe tani për tani moderatorja mendon se do ta mbyllë me kaq numrin e fëmijëve, por kurrë s'i dihet!