“Rruga më e mirë të kthen gjithmonë në shtëpi!” E kisha para syve përherë këtë shprehje, pasi blemë shtëpinë tonë të re. Zgjohesha dhe flija duke imagjinuar se si do të dukej ai, vendi në të cilin do të kaloja pjesën më të madhe të kohës sime. Kam besuar që shtëpitë marrin dhe japin energji, prandaj mendimet për plotësimin e këtij puzzle-i ma lodhnin shumë mendjen. Doja një shtëpi që t’i përshtatej natyrës sime, stilit tim të jetës, por mbi të gjitha që të ndihesha gjallë dhe “në shtëpi” kur të hyja brenda. Doja “shpirt” brenda atyre mureve.
Duhej t’i jepja jetë asaj hapësire bosh, por refuzoja të blija produktet e para sa për të “mbaruar punë”, ndaj kërkova gjatë. Duke qenë e re, e shkujdesur dhe pa detyrime familjare, më parë s’isha marrë kurrë me të tilla gjëra. As që e imagjinoja veten se një ditë do të më duhej të mendoja për sobën a frigoriferin më të mirë, prandaj s’e besoja dot që isha po e njëjta që kërkoja me orë të tëra e pyesja për sugjerime këdo që më dilte para. U ndala tek Smeg, që sigurisht e kisha dëgjuar më parë, por një ndjesi tjetër më përshkoi kur mësova që showroom-in e tij e gjeja edhe në Tiranë! Isha e mrekulluar nga gjithë ç’mësova prej saj, prandaj dua t’jua tregoj me një frymë!
Smeg nisi si ëndrra e një familjeje të vogël, që me pasionin dhe dëshirën për të punuar ia dolën të ngrinin një nga markat globale më të suksesshme sot, për pajisjet e shtëpisë. Ishte familja Bertazzoni, dikur kovacë, që me mjeshtërinë e tyre nisën të merreshin me përpunimin e metaleve, pa menduar se shpejt do ta gjenin veten duke prezantuar modelet e para të furrave në panairin e mbajtur në Milano.
Smeg, u themelua në 1948 nga familja italiane në Guastalla, një vend i vogël pranë Reggio Emilia, rajon i famshëm për ushqimet e tij, vecanërisht për proshutën e famshme italiane, Prosciutto di Parma, uthullën balsamike të Modena-s dhe djathin parmigiano.
Rreth viteve ‘50-të, familja nisi prodhimin e sobave të para dhe shpejt “pushtoi” jetën brenda shtëpive të njerëzve të sapo dalë nga lufta. Produkti i parë që e bëri Smeg të dallohej për inovacionin brenda shtëpisë ishte “Elisabeth”, sobat me gaz, të krijuara në 1956-ë, të cilat sollën për herë të parë në botë ndezjen automatike, valvulat e sigurisë dhe një programues gatimi.
Vitet ‘60-të, u konsideruan si vite të arta konsumi pasi njerëzit ishin të uritur për produkte të reja brenda shtëpive të tyre. Në dallim nga të tjerët, Smeg zgjodhi të shihte përtej një sobe klasike, funksioni i të cilës mbaronte me pjekjen e tavës së radhës dhe ishte pikërisht çfarë po kërkoja unë!
Sa më shumë tregu pushtohej nga produktet seri përgjatë viteve ‘70-të aq më tepër dallonte Smeg. Marka “Made in Italy” e kishte vendosur që do t’i qëndronte besnike tre shtyllve kryesore: 1-ruajtjes së traditës trashëguar nga mjeshtërit, 2-inovacionit dhe 3-dizajnit!
Ideja e tyre ishte t’ju jepnin njerëzve dicka më tepër se thjesht një produkt shtëpiak, prandaj vendosën të bashkëpunonin me emrat më të njohur të artitekturës dhe dizajnit. Guido Canali (krijuesi i kompanisë mëmë të Smeg, Renzo Piano (që dizenjoi The Shard në Londër), Marc Neëson dhe Mario Bellini u bënë bashkë për të krijuar ato produktet që më vonë, do të ishin “testament” i Smeg.
Njerëzit në Smeg i shohin objektet që krijojnë jo thjesht si produkte në funksion të tyre, por si aksesorë të bukur, duke besuar se konsumatorët e duan të bukurën në jetën e tyre. Vittorio, nipi i themeluesit të parë, (sot CEO I Smeg), beson se kuzhina është zemra e një shtëpie, prandaj produktet e Smeg duhet patjetër ta pasqyronin këtë në çdo detaj. Shkrirja e “dy shpirtrave në një biznes të vetëm” ishte filozofia e tyre.
Çfarë e dallon Smeg është aftësia për të krijuar një produkt të frymëzuar nga stili i viteve ‘50-të me teknologjinë e fjalës së fundit.
Një mixer i Smeg të kujton brenda pak sekondave modelin e famshëm të Porche-it të viteve ‘50-të, ashtu si frigoriferët e famshëm që përtej efiçecës, fleksibilitetit dhe teknologjisë së fundit, ngjajnë me një aksesor që i jep tjetër pamje kuzhinës.
Stili retro, i frymëzuar nga frigoriferët që portretizoheshin në filmat Hollywood-janë të atyre viteve dhe ngjyrat e hapura marrë nga Vespa e famshme bëjnë që t’i vlerësosh përtej një produkti të domosdoshëm shtëpiak. Emocionohesha vetëm duke i parë dhe ideja që mund t’i kisha brenda shtëpisë më lumturonte!
Dizajni i Smeg shkon përtej stilit të atyre viteve. Mjafton të shihni këtë sobë Dolce Stil Novo, plitkat e së cilës janë zëvendësuar nga zogj të vegjël të bashkuar që kërkojnë fara që s’gjenden askund për të kuptuar çfarë e bën dizajnin e tyre të pakrahasueshëm.
Zakonisht, kur njerëzit janë përpara një furre Smeg do të nisin të gatuajnë diçka edhe sikur të mos e kenë bërë kurrë më parë. Opsionet e furrave të Smeg, kënaqin lehtësisht si chef-at e kuzhinës ashtu dhe atë që nuk ka asnjë ide rreth saj.
Mikrorvalat e Smeg, e krijuara për të mos zënë shumë hapësirë në kuzhinë, me material celiku që nuk ndryshket kurrë, ofrojnë opsione pafund, nisur nga lloji i gatimit. Diçka që kërkon pjekje intensive ka ospionin e saj ashtu sikurse një picë ka të sajin, për të vazhduar me një tjetër mekanizëm që i mban fëmijët larg rrezikut kur ata afrohen.
Ndryshe nga ç’keni parë deri më tani, mikrovalat e Smeg mund edhe të ftohin pjata, kështu s’keni pse të prisni minuta të tëra para se të hani. Lavastovilja e krijuar në 1970-ën nga Smeg i ndryshoi me shpejtësi njerëzve stilin e jetës. Pas krijimit të saj, miqtë nëpër shtëpia priteshin ndryshe dhe familja kishte më shumë kohë për të shpenzuar me njëri-tjetrin.
Dëshmi i suksesit të Smeg janë çmimet ndërkombëtara të marra ndër vite. Në 2010-ën, furrat, sobat e dizanjuara nga Marc Neëson morën çmimin “Chicago Athenaeum Good Design” dhe çmimin Wallpaper* Design në 2009 për stilin, lehtësinë në përdorim dhe materialet e përdorura. Në 2013-in, “WELs” (Government’s Water Efficiency Labelling Scheme) nderoi Smeg me 6 yje, renditjen më të mirë për lavastovilje në Australi.
Një tjetër çelës suksesi është është dëshira e Smeg për të bashkëpunuar. Kur Smeg dhe Fiat 500 bashkuan forcat në 2003-in, njerëzit njohën një tjetër koncept për frigoriferin.
Bashkimi me Dolce & Gabbana është ndoshta një prej projekteve që do të lërë më shumë gjurmë në historinë e markës. Ideja ishte e thjeshtë:do të krijoheshin 100 frigoriferë të pikturuara me dorë të lirë sipas stilit sicilian dhe ashtu u bë! Të kesh brenda shtëpisë një frigorifer të tillë , më besoni, është njësoj si kesh brenda garderobës, koleksionin më të ri të D&G.
Në 2019-ën, bashkpunimi me Disney-in dhe krijimi i produkteve që kishin Micky-n në të, e bën edhe më ekskluzivë Smeg, duke i bërë njerëzit të bindeshin se vlera e shtuar e Smeg ishte e bukura!
Madje, kjo pikë është aq e fortë për ta, sa arkitektët sugjeruan se në frigoriferët e rinj s’do të ishte e nevojshme as vendosja e logo-s. Dizajni dhe bukuria do t’i kujtonte njerëzve emrin e Smeg.
Smeg u bë shpejt e famshme dhe e kërkuar brenda shtëpive të amerikanëve, të cilët ia donin stilin retro kombinuar me teknologjinë e fundit dhe prakticitetin që i kursen kohë njeriut të zënë të 2020-ës. Nisur nga kërkesat e konsumatorëve, Smeg pritet të nxjerrë në fund të këtij viti frigoriferin e “përmasave amerikane” që do t’i plotësojë amerikanëve të veriut nevojën për më shumë hapësirë brenda tij.
Produktet e Smeg përdoren gjerësisht sot edhe si super ide dhuratash dhe e gjithë shoqëria ime nuk lodhet fare sa herë kam ndonjë rast të veçantë! Krishtlindjet e shkuara përshembull edhe Kim, njësoj si unë, kishte fytyrën e njeriut më të lumtur në botë, kur e ëma Kris i dhuroi të gjithave produktet e Smeg, për t’i shtuar edhe më personalitet kuzhinave të tyre!
Në fakt, pas xhiros gati gati hipnotizuese brenda showroom-it në Tiranë, u dashurova me Smeg kur lexova se për Vittorio-n (CEO), ishte “arrogante të pretendoje që të gjithë shijojnë të njëjtin stil.” Ata besonin se duhet t’i jepnin klientit zgjedhje dhe një shans për të shprehur veten, pikërisht çfarë po kërkoja unë.
Për të parë më shumë rreth Smeg mund të klikoni në faqen zyrtare të web-it ose shkoni në llogarinë e tyre të Instagram-it.