Shtatori iku si iku, por tetori s'pranon më asnjë justifikim! Ka diçka të veçantë në tetor. Ajri fillon të bëhet më i freskët, ditët shkurtohen dhe mbrëmjet kërkojnë më shumë qetësi. Është muaji që na rikthen në një ritëm më të ngadalshëm, pas verës së gjatë dhe shpesh të çrregullt. Dhe nuk është rastësi që ekspertët e quajnë periudhën perfekte për të vendosur një rutinë të re gjumi.
1. Orët e natës janë në anën tonë
Ndryshimi i stinës dhe ulja e temperaturave na ndihmon të flemë më mirë. Errësira që vjen më herët është një sinjal natyral për trupin të prodhojë më shumë melatoninë – hormonin që rregullon gjumin. Kjo e bën më të lehtë krijimin e një orari të qëndrueshëm, nëse zgjedhim t’i përmbahemi.
2. Trupi ka nevojë për një “pushim” të vogël
Pas muajve të verës, kur rutina shpesh shpërbëhet mes udhëtimeve, takimeve të vona dhe ditëve të gjata, tetori është koha për t’i dhënë trupit qetësinë që i mungoi. Një gjumë i rregullt përmirëson humorin, përqendrimin dhe madje edhe imunitetin, gjë shumë e rëndësishme në këtë sezon.
3. Ritualet e mbrëmjes bëhen më të lehta
Tetori fton në rituale të vogla që e bëjnë gjumin më cilësor: një filxhan çaj bimor, një dush i ngrohtë, leximi i disa faqeve libri ose pak stretching i lehtë. Këto zakone jo vetëm që përgatisin trupin, por edhe mendjen, duke i dhënë sinjal se dita po mbyllet.
4. Një mundësi e re për të pastruar zakonet e vjetra
Rregullimi i gjumit shpesh ecën paralel me rregullimin e zakoneve të tjera. Tetori është një moment i mirë për të reflektuar edhe mbi gjërat që na prishin qetësinë: si kafeina e tepërt, përdorimi i telefonit para gjumit apo zakone të tjera që sjellin stres. Edhe zgjedhja për të hequr dorë nga duhani klasik e për të kaluar drejt alternativave më të pastra, si Iqos, është pjesë e këtij procesi. Ashtu si një natë pa gjumë të rënduar, edhe era dhe mbetjet e duhanit tradicional janë diçka që mund të shmangim për një rutinë më të lehtë e të shëndetshme.
5. Një fillim i vogël për një ndryshim të madh
Gjumi nuk është luks, por themeli i shëndetit dhe mirëqenies sonë. Rregullimi i tij në tetor nuk është thjesht një zakon i ri, është një investim që do të ndjesh në çdo aspekt të jetës, nga energjia në mëngjes te qetësia emocionale gjatë ditës.
