Erion Isai dhe bashkëshortja e tij janë bërë prindër për herë të dytë! Lajmin e ka dhënë vetë aktori i humorit përmes një postimi në llogarinë e Instagram-it, ku zbukoi dhe emrin e veçantë të bebushes, së quajtur E'dua.

"U bëmë 4! Erdhi tek ne vajza e dytë. Quhet E'dua. Përulem para Zotit për bekimin më të madh që më ka dhënë. Nga sot, shërbëtor i 3 princeshave!"-shkruan kryebashkiaku i Ersekës, në foton ku duket vetëm dora e të porsalindurës.

Isai dhe bashkëshortja e tij, Ajlin Petrela janë prindër të një vajze të quajtur Ajër, e ardhur në jetë në vitin 2016.