Gigi Hadid dhe Zayn Malik kanë mirëpritur fëmijën e tyre të parë, një vajzë dhe lajmi u bë publik më 23 shtator.
Gjatë kësaj kohe ka patur një sërë aludimesh nga fansat, se Gigi e ka lindur fëmijën pa bërë asgjë publike, pasi babai i saj, Mohamed, postoi një letër të ëmbël për "nipin e tij të vogël" në Instagram më 16 shtator, por nuk paska qenë kështu.
Zayn konfirmoi lajmin në Twitter, duke shkruar:
“Vajza jonë është këtu. E shëndetshme dhe e bukur.”
Our baby girl is here, healthy & beautiful????to try put into words how i am feeling right now would be an impossible task. The love i feel for this tiny human is beyond my understanding.Grateful to know her, proud to call her mine, & thankful for the life we will have together x pic.twitter.com/nvhfOkk2fw
— zayn (@zaynmalik) September 24, 2020
Ai vazhdon:
“Të përpiqem ta them me fjalë, ndjesinë që po përjetoj është e pamundur. Dashuria që ndjej për këtë njeri të vogël është përtej asaj që unë kuptoj. Mirënjohës që e njoha, krenar që e quaj timen dhe falenderues për jetën që do kemi bashkë.”
Edhe Gigi Hadid, para pak orësh, ka mirëpritur bebin nëpërmjet një postimi në Instagram:
“Vajza jonë na u bashkua në tokë këtë javë dhe e ka ndryshuar tashmë botën tonë.”
View this post on Instagram
Jo shumë detaje nga lindja janë bërë publike, diçka që pritej, duke marrë parasysh që pjesa më e madhe e shtatzënisë së modeles është mbajtur private.
“Unë jam shumë mirënjohëse për komentet pozitive dhe pyetjet dhe dua që ju të dini se ne të gjithë jemi mirë dhe të sigurt. Gjithçka po shkon shkëlqyeshëm. Ju dua", tha Hadid në një Live Instagram-i për shtatzëninë e saj në fillim të këtij viti.
"Padyshim, unë mendoj se shumë njerëz janë të hutuar dhe pyesin se pse nuk po ndaj më shumë, por unë jam shtatzënë në mes të një pandemie. Shtatzënia ime nuk është gjëja më e rëndësishme që po ndodh në botë.”
Për realizimin e këtij artikulli u përdorën pjesërisht materiale nga Glamour
