Kinema & TV

Emmy Awards 2020: 5 momentet më historike nga mbrëmja!

Shkruar nga Anabel

22 Shtator 2020

Emmy Awards 2020: 5 momentet më historike nga mbrëmja!

Të dielën në mbrëmje, u zhvilluan Çmimet Emmy 2020. Edhe pse me distancim social, asgjë s’mundi ta pengonte shfaqjen.

Më poshtë, gjeni pesë momentet më epike të spektaklit, që me siguri shënjuan historinë në botën e televizionit:

#1

Zendaya u bë personi më i ri në moshë që fiton çmimin për aktoren kryesore në një dramë

24-vjeçarja u bë gjithastu edhe gruaja e dytë me ngjyrë në histori, që fitoi një Emmy me çmimin “Aktorja më e mirë në një serial dramatik”. Viola David ishte gruaja e parë që fitoi në këtë kategori, për rolin e saj si Annalize Keating në serialin How To Get Away With Murder në vitin 2015.

#2

“Schitt’s Creek” vendosi një rekord të Emmy

Shfaqja kanadeze hit, mori në shtëpinë e saj plot shtatë çmime, duke u bërë komedia/drama e parë që mori përnjëherë të gjitha çmimet e aktrimit në zhanër.

#3

Pjesa më e madhe e çmimeve të aktrimit u fitua nga aktorë me ngjyrë

Nga 19 kategori totale interpretuesish, 10 u fituan nga aktorë me ngjyrë, përfshirë Uzo Aduba, Regina King, Yahya Abdul-Mateen II dhe Eddie Murphy.

Ato fitore e bënë Emmy-n e mbrëmshëm një nga më të ndryshmet ndonjëherë, ndërsa nënvizuan njëkohësisht se sa “punë ka ende për të bërë” Hollywood.

Për listën e plotë të fituesve, klikoni këtu.

#4

I gjithë spektakli u filmua pa audiencë

Dikur mund të ketë qenë e vështirë të imagjinohej Emmy pa një audiencë të famshmish të veshur mirë që duartrokasin, por kjo është pikërisht ajo që ndodhi të dielën në mbrëmje, me prezantuesin Jimmy Kimmel, që foli përpara askujt. Siguria, në radhë të parë!

#5

Një test Covid-19 ndodhi drejpërdrejt në ekran

Në një moment që nënvizoi gjithë të çuditshmen e realitetit tonë aktual, prezantuesi Jason Sudeikis u pa duke kaluar një test të hundës për COVID-19.

Burimi: VOGUE

MOS I HUMBISNI