Ditën e sotme, përpara pak orësh, Turjan Hyska, producenti i “Klanifornia” në TV Klan, bëri një postim në Instagram, që shkruante:
“Cikël është e gjitha! Fruti çel, rritet, piqet, kalbet! Nuk është me inat kjo punë!”
Ky shkrim ndiqet nga dy postime të tjera që tregojnë statistikat e shikueshmërisë së Klanifornia-s.
Duke marrë parasysh gjithë çfarë është përfolur gjatë kësaj periudhe, për një sërë lëvizjesh dhe largimesh të aktorëve të Portokallisë, megjithëse shumë prej tyre kanë mbetur si "thashetheme" ose "lajme të pavërteta", si rasti i Salsano Rrapit, i cili konfirmoi praninë e tij në këtë sezon të emisionit, postimi i tij u duk si një lloj ironizimi, meqë u përmend emri i një fruti, që mund të lidhet lehtësisht me emrin e programit, "Portokalli".
Për të shmangur çdo aludim dhe për të parë si qëndron e vërteta, Anabel.al kontaktoi me Turjanin dhe ai tha se postimi nuk ka ndonjë lidhje me Portokallinë:
“Nuk është e vërtetë! S’ka lidhje fare. Unë punoj te Klanifornia”, u shpreh ai.
