Shqipëria dhe Kosova do të kenë më në fund një kampionat të përbashkët.

Nga edicioni i ardhshëm 2020-2021, ekipet më të mira profesioniste të basketbollit në Shqipëri dhe Kosovë, do të konkurrojnë në një ligë të përbashkët.

Këtë të enjte, vendimi i përfolur prej kohësh u zyrtarizua në një ceremoni nga të dy Federatat, të cilat firmosën marrëveshjen.

Basketbolli, do t’i bashkojë dy vendet në atë që do të quhet Liga Unike.

Në edicionin e parë të Ligës së Përbashkët, do të marrin pjesë 8 skuadra.

Përkatësisht nga Shqipëria do të konkurrojnë: Tirana, Vllaznia, Teuta dhe Goga Basket, ndërsa nga Kosova, Ligës do t’i bashkohet Prishtina, Peja, Rahoveci dhe KB Ylli.

Ndërkohë priten bashkëpunime edhe në Federata të tjera.

Burimi: ReportTV, A2 News