Gala Aliaj u shpall fituese e The Voice Kids në Belgjikë. Në Top Finale, Gala performoi “Goodbye Yellow Brick Road” nga Elton John dhe “Make You Feel My Love” nga Adele.

“Kjo është e pamundur. Nuk mund ta besoj. Faleminderit të gjithëve,” shkroi adoleshentja në Instagram.

Gala tërhoqi vëmendjen e jurisë që në fazën e parë të audicioneve të fshehura, ku performoi “Don’t Know Why” të Norah Jones.

Gala merret prej kohësh me muzikë. Në 2015-n, në “Dance with me”, performoi me të atin këngën e njohur të tij, “Dashuria”.

Përpos muzikës, ka pasion modelingun dhe së fundmi, publikoi këngën e saj të parë, “Contagious”.