Dy fëmijë britanikë vendosën të qëndrojnë në një stendë, duke shitur limonada dhe ëmbëlsira, për të mbledhur para dhe për të ndihmuar njerëzit që vuajnë për shkak të krizës humanitare në Yemen.
6-vjeçarët, Ayaan Moosa dhe Mikaeel Ishaa nga Londra, janë miq të mirë dhe së bashku krijuan një stendë për të mbledhur fonde për bamirësi.
View this post on Instagram
Babai i Ayaan Moosa, 37-vjeçari Shakil Moosa, i tha CNN se Angelina Jolie, kontaktoi familjen përmes një agjenti tre javë më parë dhe ofroi të bëjë një dhurim për kauzën, një shumë parash ende e paditur, që u transferua këtë fundjavë.
Jolie gjithashtu u dërgoi fëmijëve një letër, të cilën ata e shpërndanë në Instagram, ku ajo i falenderonte për përpjekjet e tyre dhe i kërkonte falje që nuk mund të ishte atje personalisht, për të blerë limonadën e tyre.
“Ajo është e mrekullueshme. Nuk po flasim për një yll dosido, por për një nga emrat më të rëndësishëm në planet. Është fenomenale”, u shpreh Moosa.
Në videon në Instagram, fëmijët e falenderojnë aktoren:
“Përshëndetje Angelina, unë jam Ayaan. Dhe unë jam Mikaeel. Ne jemi djemtë e LemonAid. Thjesht donim të thonim faleminderit që dhuruat për kauzën tonë," thanë ata në video.
Fëmijët gjithashtu shtuan se do të ishin të lumtur t’i shisnin asaj një gotë limonadë, kur ajo të ishte në Londër.
View this post on Instagram
Jolie, ka folur edhe më parë rreth konfliktit dhe varfërisë në vendin e Lindjes së Mesme, i cili është përfshirë nga trazirat civile për dekada.
Jemeni është në rrezik urie, me miliona të uritur ose të kequshqyer.
Vendi është përfshirë gjithashtu nga sëmundjet, me dhjetëra mijëra njerëz që kanë marrë kolera dhe tani ka shqetësime se mund të pësojë një nga shpërthimet më të këqija të koronavirusit në botë.
Fëmijët kanë mbledhur deri më tani £70.000 ($90.944). Deri në fund, ata shpresojnë të mbledhin £ 150.000.
Burimi: CNN
