Për Ellen DeGeneres vazhdojnë akuzat! Tani, një ish-punonjëse e shtëpisë së saj tregon se mjedisi i punës me të është toksik dhe akuzon moderatoren e famshme duke thënë se e trajton stafin e punonjësve të shtëpisë si të ishin një "hiç". Ish-punonjësja anonim ka treguar se sjellja e saj në ambientin e shtëpisë është edhe më keq nga ai në punë.

"Mendoj se personaliteti i vërtetë i dikujt tregohet në shtëpi. Pas gjithçkaje që është thënë për të në punë, mund ta imagjinoni si është ajo në ambientet e shtëpisë. Ndonjëherë na bërtet, por është intonacioni i saj ai që të vret më shumë. Na trajtonte sikur të ishim asgjë."

Ish-punonjësja e shtëpisë thotë se Ellen ishte gati dhe t'i torturonte ato në punën e tyre. 

"Ti duhet thjesht të uleshe aty dhe ta dëgjoje sepse ishte ajo që po të paguante. Ellen është njeriu më i keq që kam dëgjuar në jetën time. Ajo gjen kënaqësi kur pushon njerëz nga puna. Më kishin thënë se karakteri i saj ishte i tillë dhe se duhet të rrija sa më larg saj e të përpiqesha të evitojë çdo kontakt direkt me të sa më shumë të kisha mundësi. Punën me të do ta përshkruaja si kamp përqëndrimi."- tregon ajo.

Thuhet se Ellen mund të mërzitej për gjëra fare të vogla si përshembull, pak kripë e derdhur jashtë.

Nga ana tjetër, përfaqësuesi i Ellen thotë se asgjë nga këto nuk është e vërtetë dhe se është vetëm që thashethem që përpunohet nga një burim jo serioz tek tjetri. Ai shton se ata që punojnë për moderatoren e dinë që diçka si kjo është gënjeshtër. 

Cila është fytyra e vërtetë e Ellen vazhdon të mbetet mister!

Burimi: Cosmopolitan