Prezantimi i teorisë së repotting

John W. Gardner, Sekretar i Shëndetësisë, Arsimit dhe Mirëqenies nën udhëheqjen e presidentit të SH.B.A, Lyndon Johnson (1963-1969), ishte i pari që prezantoi teorinë e repotting në vitin 1964 në librin e tij, "Vetë-rinovimi: Individi dhe Shoqëria Inovative". Repotting zakonisht lidhet me kopshtarinë dhe i referohet marrjes së bimës dhe vendosjes së saj në një mjedis të ri, zakonisht një vazo më e madhe, për të inkurajuar rritjen.

E njëjta teori vlen për përqëndrimin dhe përkushtimin në karrierë. Repotting, ose ndryshimi i përqëndrimit të karrierës dhe vendit të punës, është një mënyrë për të ringjallur krijimtarinë dhe energjinë tuaj. Kur nuk e gjen më veten të mbushur me energji në një kompani të caktuar, ndoshta është koha të zhvendoseni diku tjetër, ndoshta edhe në një fushë krejtësisht ndryshe nga ajo aktuale, për shembull nga shëndeti te teknologjia.

Pse mund të përfitoni nga repotting?

Kur ndryshoni karrierën, kompaninë ose fushën, natyrshëm e sfidoni veten që të vazhdoni të mësoni në mënyrë që “të mbijetoni”. Kur bini në një rutinë të caktuar, ndodh që krijimtaria bllokohet. Rritja e potencialit vjen nga sfida. Përvojat dhe sfidat e reja kërkojnë kreativitet dhe angazhim.

Krijimi i lidhjeve joformale hap dyert në fushat përkatëse. Megjithatë duhet thënë se repotting është thikë me dy presa, pasi jo gjithmonë ndryshimet janë të favorshme për ju. Mund të mendoni se ka ardhur koha të ndryshoni krejtësisht fushën e karrierës, por nga ana tjetër mund ta gjeni veten të papërgatitur. Thënë kjo, që repotting është një hap i rëndësishëm dhe i madh dhe si i tillë, duhet menduar me kujdes.

Burimi: The Ladders