Ashtu në heshtje, Cate Blanchett duket se ka filluar një nismë #It’sChicToRepeat, të cilën e shpjegoi më së miri stilistja e saj personale, Elizabeth Stewart, e cila shkroi në Instagram:
“Cate Blanchett ka vendosur të veshë sërish disa nga veshjet e saj më të njohura gjatë këtij edicioni të Festivalit të Filmit në Venecia[...]Kur bëheni gati për ndonjë ngjarje të rëndësishme, sigurohuni që së pari të shikoni në dollap! Rrobat kanë për qëllim të çmohen dhe të vishen sërish e sërish. Edhe nëse jeni një aktore me famë botërore."
View this post on Instagram
Elizabeth u shpreh se fustani Esteban Cortazar i veshur në ceremoninë hapëse të Festivalit të Filmit në Venecia është i njëjtë me atë që Cate veshi në premierën e “Carol” në BFI London Film Festival në vitin 2015.
Po kështu, në Venecia, Cate u shfaq me një fustan Alexander McQueen me motive florale, të cilin e veshi fillimisht në British Academy Film Awards në 2016.
View this post on Instagram
Nuk është hera e parë që Cate vesh të njëjtën gjë, madje mund të quhet sot për sot “nona e riciklimit”.
Cate në Golden Globe Awards 2014 ku u vlerësua si aktorja me performancën më të mirë për rolin e saj në “Blue Jasmine”:
Me po të njëjtin fustan Armani u paraqit edhe në ceremoninë hapëse të Festivalit të Filmit në Kanë, 2018.
Gjatë një dreke të organizuar nga ajo në vitin 2014, veshi këtë fustan vezullues nga Giorgio Armani.
Sërish fustani Armani u pa në Harper’s Bazzar Women of the Year Awards në vitin 2019-n, ku u vlerësua me Çmimin e Filantropisë.
Në vitin 2015, në New York Film Festival u shfaq me një fustan të zi nga Aouadi Paris.
Në vitin 2018, në American Film Institute mrekulloi tapetin e kuq me po të njëjtin fustan.