Selena Gomez është ndoshta shumë e zënë me prezantimin e Rare Beauty, për të vënë re se Justin sapo e përmendi në këngën e Drake.

Për ta kuptuar më mirë:

Kënga “Popstar” është një bashkëpunim i Drake dhe DJ Khaled dhe ideja e videoklipit është e tillë: Khaled pas këngës me Drake, i kërkon atij edhe një videoklip, por meqë ky i fundit nuk e ka me shumë qejf, Drake i kërkon “një nder” Justin Bieber dhe merr atë për të bërë videoklipin në vend të tij.

Pjesa tjetër e klipit përfshin Justin që lëviz buzët (pra bën lip-sync) me këngën/zërin e Drake.  (Kështu ju kursuam edhe pak kohë nga klipi prej 8 minutash i Drake dhe Khaled.)

Pra, Justin në të vërtetë s’thotë asgjë në këngën e publikuar më 3 shtator, por megjithatë, fansat e Selenës dhe jo vetëm ata, janë paksa të inatosur.

“Look, Ariana, Selena, my Visa.” – thotë Justin në një rresht të këngës.

Nuk ka asgjë të keqe me tekstin, por duke marrë parasysh marrëdhënien e Justin dhe Selenës, e cila është cilësuar edhe nga të dy ata, si emocionalisht  abuzive, ca njerëz nuk e pritën dhe aq mirë:

“Është 2020-ta dhe Justin e ka ende emrin e Selena Gomez në gojë”, shkruan një përdorues në Twitter.

“Justin Bieber duhej të përmendte Selenën në videon e “Popstar”. Kjo është pak e sikletshme.”

“ ‘Justin e bëri të famshme Selenën.’ Atëherë pse është ai që e përmend gjithnjë për të marrë vëmendje?”

“Diçka tipike e Justin është se ai do gjejë gjithmonë një mënyrë për t’u përfshirë me Selenën.”

Nga ana tjetër, të shumtë janë edhe njerëzit që janë të kënaqur me videoklipin:

“Justin e drejton lojën e të qenit Popstar dhe Drake e di këtë.”

“Justin Bieber në videon e “Popstar” është gjithçka që më duhej.”

Të tjerë flasin për ndryshimin e Bieber gjatë viteve:

Burimi: Glamour