Horoskopi Mujor

Horoskopi i Susan Miller për muajin shtator 2020: Dashi dhe Demi

Shkruar nga Anabel

3 Shtator 2020

Horoskopi i Susan Miller për muajin shtator 2020: Dashi dhe Demi

Horoskopi i Susan Miller për muajin shtator 2020: Dashi dhe Demi

Mes gjithë Hënave të Plota që keni kaluar, ajo e 1 shtatorit tek Peshqit ka lënë shenjë të veçantë, pasi ka ndikuar në shtëpinë tuaj të 12-të, atë të pjesës së pavetëdijshme të trurit. Prandaj, nëse keni qenë duke ndjekur një terapist/psikolog do të bëni shumë përparime dhe do ta shihni sa shumë gjëra do të zbuloni. 

Një tjetër alternativë, është ajo e një ëndrre që mund të keni parë, e cila do zbërthyer misterin që ju mundon preju kohësh. Do të ndiheni më mirë kur të analizoni simbolikën e ëndrrës. Flisni për ëndrrën me një mikeshë/mik për të kuptuar më shumë.

Përsa i përket të ardhurave, fillimi i shtatorit është një periudhë shumë e mirë. Projektet tuaja do të duartrokiten edhe nga persona të rëndësishëm dhe përveç parave, mund të vlerësoheni me një çmim, një ofertë pune e re apo promovim.

Marsi është akoma në Dash duke rritur profilin tuaj, por duket të dini se energjitë e tij po shterojnë. Bëhuni gati për një prapavijë nga 9 shtatori deri tek 13 nëntori. Mos lançoni produkte apo shërbime të reja gjatë kësaj kohe. Kur Marsi të jetë sërish i shëndetshëm, jo vetëm që do t'ju mësojë si të konkurroni fuqishëm, por do t'ju ndihmojë që gjërat të jenë në anën tuaj për të dalë me sukses.

Pa ndihmën e tij, do të përballeni me vonesa, njerëz të rëndësishëm të pavendosur dhe kryesisht do të gjendeni në mjedise të akullta duke ju bërë kështu të ndiheni të zhgënjyer. Prisni deri në pjesën e dytë të nëntorit dhe javët e para të nëntorit për të vënë në jetë projekte të rëndësishme.

Hëna e Re tek Virgjëresha në 17 shtator është një kohë shumë e marrë për të marrë përsipër projekte të reja. Nëse jeni i vetëpunësuar, me shumë mundësi do të nisni një biznes të ri menjëherë pas Hënës së Re. Nëse punoni për të tjerët, do të zgjidheni për të drejtuar një punë me rëndësi që do t'ju besohet ju.

Punoni dhe shpalosni gjithë aftësitë tuaja, për të patur performancën e pritur. Ky projekt do t'ju ndihmojë të krijoni një emër për veten dhe do të rrisë ndikimin tuaj në industrinë ku jeni përfshirë. Nëse keni dhënë ndonjë intervistë për një pozicion të ri apo promocion, do të emocionoheni, por jo prej rrogës. Mund të mendoni pse paga s'është e mirë, por duhet të dini që nuk ka lidhje me ju. Kompania nuk ka para për momentin, por ju sugjerojmë ta pranoni punën dhe statusin e ri, pasi gjërat do të ndryshojnë.

Gjithsesi, ky muaj nuk do të jetë vetëm për karrierë dhe para. Kurseni kohë për qejf, dashuri dhe romancë. Me Afërditën në shtëpinë e dashurisë së vërtetë, karizma juaj do të tërheqë shumë vëmendje. Përveç datës 15 shtator, Afërdita do të jetë në anën tuaj përgjatë gjithë pjesës tjetër. Jepini një shans romancës më 28 shtator dhe shihni ç'do të ndodhë. Nëse jeni i/e lidhur bëni mirë të flirtoni me partnerin/en si të ishte dita e parë e dashurisë.

Hëna e Plotë e 1 tetorit do të jetë në shenjën tuaj, prandaj diçka shumë personale dhe me rëndësi për ju do të arrijë kulmin në këtë ditë.

Horoskopi i Susan Miller për muajin shtator 2020: Dashi dhe Demi

Një mik/mikeshë do të kujdeset që ta shijoni shtatorin në maksimum. Hëna e Plotë e 1 shtatorit do të sjellë episode të mbushura me surpriza dhe lumturi në vazhdim. Romanca është në ajër, prandaj fillimin e muajit kursejeni vetëm për dashuri, qejf dhe rezervoni kohë për fëmijët (nëse keni). Këtë muaj do të doni të udhëtoni larg, por nuk do të jetë e mundur për shkak të disa pengesave që do t'ju dalin rrugës. Organizoni një rrugë të shkurtër me makinë dhe eksploroni vende që nuk i dinit as që ekzistojnë.

Gjithsesi, mendja juaj është e uritur për informacion, prandaj bëni mirë të regjistroheni në ndonjë klasë online apo të nisni një gjuhë të re. Nëse jeni në shkollë, interesohuni për semestrin e ardhshëm.

Do ta ndjeni veten shumë produktive këtë periudhë, por gjatë prapavijës (9 shtator-13 nëntor) duhet t'i merrni gjërat me qetësi, pasi planet tuaja nuk do të ngrijnë njësoj si të të tjerëve, i dashur Dem.

Sidoqoftë, s'është një kohë e mirë për të nisur një biznes apo një lidhje të re. Mund të takosh dikë, ndoshta më të madh se veten dhe nga shoqëria të lindë diçka më shumë. Nis të analizosh gjërat që ke mësuar gjatë kohës së karantinës. Endërro për planet e së ardhmes dhe mendo më gjatë për ato që të emocionojnë më shumë. Mos trego asgjë ende, por bëj kërkimet e tua derisa prapavija të përfundojë.

Nëse jeni të lidhur/martuar, mund të mendoni për disa surpriza gjatë këtij muaji. Hëna e Re tek Virgjëresha më 17 shtator do të sjellë momente të bukura romantike për javët dhe muajt në vazhdim. Nëse mendoni që asgjë nuk mund të lindë në kohë pandemie, mendoni sërish. Takimet online mund të rezultojnë më të qëndrueshme sepse marrëdhënia ndërtohet ngadalë. Do të keni ndihmën e universit, i cili do të bëjë të pamundurën që të bini në dashuri.

Duhet të bëni kujdes me virusin, edhe pse mund t'i jeni kthyer normalitetit (të ri). Do të bëni disa rregullime në ambientin tuaj, do të provoni dhe shijoni receta të reja. Ka shumë shanse të nisni një ritual të ri që do t'ju ndihmojë të gjeni qetësinë.

Copyright Anabel.al / Ndalohet ribotimi pa lejen e redaksisë.

MOS I HUMBISNI