Në prag të këtij viti shkollor, Ministria e Shëndetësisë ka rikujtuar prindërit dhe nxënësit për rregullat që duhet të zbatojnë me qëllim parandalimin e përhapjes së virusit. Një nga kërkesat kryesore është distanca dhe qëndrimi ulur nëpër bangat e tyre.
Nxënësit duhet të dinë se këtë vit, daljet nga klasa gjatë orarit mësimor do të jenë të kufizuara, për të shmangur kështu lëvizjet e panevojshme.
Përpos kësaj vendosja e maskës do të jetë e detyrueshme deri në përfundimin e orës mësimore.
Rekomandimet kryesore të Ministrisë së Shëndetësisë janë:
-Gjatë qëndrimit në klasë, respektoni distancën fizike prej 1.5 m nga mësuesi dhe nxënësit e tjerë
-Qëndroni ulur në bankën tuaj
-Mbani maskën sipas rekomandimeve
-Kufizoni daljet nga klasa për arsye të panevojshme-përveçse kur duhet të përdorni tualetin apo të largoheni nga shkolla
-Dezinfektoni shpesh duart me solucione me bazë alkooli.
