Nëse ndodh një herë, dy herë, mund të jetë rastësi. Ama, nëse ndodh mbi 18 herë, diçka nuk shkon.

“The Simpsons” është një nga serialet më argëtues për të gjitha moshat. Seriali doli për herë të parë në vitin 1989 dhe ka plot 30 sezone dhe një numër total prej 681 episodesh. Krahas humorit, që është aktual dhe po aq argëtues edhe pas tre dekadash, parashikimi i eventeve jo pak të rëndësishme në botë ka bërë të ngrihen shumë teori të dyshimta e të pabesueshme mbi autorët e serialit.

Matt Groening, në një prej intervistave të tij shprehet se nga aq shumë episode, një 10% i tyre mund të ndodhë që të jenë parashikime rastësore. Kjo, në fakt është pjesërisht e vërtetë, disa prej teorive si psh:Simpons parashikoi fundin e The Game of  Thrones, vetëm sepse u shfaq një dragua në qiell, janë të rastësishme dhe qesharake.

Nga ana tjetër, një serial që zgjat kaq vite, mund edhe të influencojë disa ngarje, si psh: performanca e Lady Gaga-s  tek “The SuperBowl 2017”. Edhe pse e dimë se  këngëtarja “was born this way”, nuk është çudi që ajo të jetë frymëzuar pak nga seriali.

Megjithatë, këto s’janë asgjë, krahasuar me ato që do të lexoni më poshtë:

- Në vitin 1993, The Simpsons parashikuan se tigri me të cilin shfaqeshin në çdo poster Siegrfried dhe Roy do të bëhej agresiv dhe do t’i lëndonte. Ndodhi pikërisht kështu në vitin 2003.

- Në vitin 1994, kur ende nuk ekzisonte loja me gjarpër tek celularët Nokia, Simpsons parashikuan Autocorrect-in, i cili ndodhi në vitin 2007 tek smartphone-t.

- Meqë jemi tek gjërat “smart”, The Simpsons përdorin FaceTime në vitin 1995, kur njerëzit nuk njihnin mirë as Internetin. Facetime u krijua si teknologji në vitin 2010. Po në vitin 1995, personazhet përdorin Smart Watches, të cilat dolën në treg në vitin 2014.

Në rregull, mbase dhe për këto mund të ketë një shpjegim: Stafi që është marrë me krijimin e The Simpsons, ka qenë i ri, inteligjent dhe pjesa më e madhe prej tyre vinin nga universitetet më të mira dhe mbase ishin aq largpamës sa të përfshinin në serial teknologji inekzistente për atë kohë. Le të themi që nuk ka asgjë të frikshme këtu.

Po për këto parashikimet e tjera, ç’mund të themi?!

-Makina elektronike të votimit dhe gabimet (jo dhe aq) teknike që ndodhnin gjatë votimit. Në 2008-ën, Simpsons votonin me këto makina dhe në vitin 2012 njerëzit po votonin kështu në të vërtetë. Meqë jemi tek politika, parashikimi më i frikshëm është ai i Donald Trump. Lëvizjet, sfondi dhe çdo gjë duket kaq e njëjtë sa është e vështirë të besosh se filmimi fillestar është cartoon (2000) dhe i dyti është vetë Trump (2015) dhe jo e anasjellta.

-Në vitin 2012, The Simpsons, seriali amerikan, fliste për krizën financiare dhe borxhin publik të Greqisë. Në 2015 situata ishte e prekshme, pikërisht në Greqi. Sa janë gjasat të jetë rastësi edhe kjo?!

-The Simspsons parashikuan edhe blerjen e Disney-t nga Fox në 1998 dhe kjo ndodhi vërtet në 2017.

-Ata parashikuan dhe skandalin me korrupsionin në Fifa (2014), i cili ndodhi realisht në 2015.

-Skandalin me spiunimin (NSA, Eduard Snouden), The Simpsons e shfaqën në 2007 dhe ndodhi pothuajse njësoj në vitin 2012.

-Në 1998, Homer Simpson po shkruan ekuacionin “God Particle”, që tregon se si u krijua universi. Në vitin 2012 ky ekuacion u shfaq në të vërtetë. Na vjen keq shkencëtarë,Homeri e bëri i pari!

-Meqë jemi në kohë pandemie, duhet të dini se nuk është vetëm Bill Gates parashikues. "The Simpsons" shfaqi virusin Ebola në 1997-ën dhe virusi me të njëjtin emër ndodhi në 2014-ën.

-Situata e luftës në Siri dhe çdo gjë që po ndodh në Lindjen e Mesme, shfaqen në disa seri të Simpsons.

-Punonjësit e librarive robotë u shfaqën për herë të parë në vitin 1995, tek “The Simpsons” dhe në 2016-ën, në botën e vërtetë.

-"The Simpsons" parashikuan gjithashtu dhe sulmin 9/11, ose të paktën dhanë disa detaje të vogla, që askush nuk i vuri re në fillim.

Këto janë vetëm disa prej parashikimeve të çuditshme të serialit. (Po, ka dhe të tjera.)

Madje, së fundmi, njerëzit mendojnë se seriali parashikoi dhe shpërthimin në Beirut:

Njerëzit janë të bindur se Matt është time-traveller, sado e habitshme duket jo vetëm për të qenë e vërtetë, por edhe për t'u besuar. Si për t’i rritur dhe më shumë dyshimet mbi këtë teori të çmendur, Matt së bashku më një grup tjetër krijuesish, sollën serialin ‘Futurama’. Okay, Matt e kuptuam, je shumë futuristik!

Gjithsesi, që të mos ta bëjmë kaq imagjinare dhe konspirative situatën, ka një teori më me “këmbë në tokë” për gjithë këtë.

Bëhet fjalë për “Predictive Thinking and Analytics”. Ky term e shpjegon trurin tonë si një lloj algoritmi, që merr disa variabla, i lidh ato në një mënyrë të caktuar, i përpunon dhe na jep një rezultat.

Truri parashikues (predictive brain) na jep mundësinë të krijojmë njohuri të reja në formën e zbulimeve. Elementë si ndjenjat, perceptimet, vendimmarrja, kategorizimi, imagjinata dhe shumë të tjera, trajtohen si procese të dallueshme, të cilat mund të bashkohen nga një mekanizëm i vetëm: parashikimi. Mbase këtë aspekt të trurit, Matt e ka disi më të zhvilluar se humanët e tjerë.

Kjo nuk shpjegon çdo gjë, por mund të jetë e vërtetë dhe pse duhet thënë se me faktet që ekzistojnë, po kaq e vërtetë mund të jetë dhe ideja u udhëtimit në kohë.

Sidoqoftë, “The Simpsons” mbetet një nga serialet më të bukura në histori dhe këto mistere e bëjnë edhe më interesant dhe pse ndonjëherë, shumë të çuditshëm.