Dua Lipa ishte frymëzimi për dhjetëra emra bebesh për vajza në Angli dhe Uells. Sipas Zyrës së Statistikave Kombëtare (ONS) (via BBC), foshnjat e quajtura Dua u dyfishuan në vitin 2019 në krahasim me vitin 2017, kohë kur Dua fitoi famë në Mbretërinë e Bashkuar.

Një tjetër emër i popullarizuar së fundmi është Kylo, referuar personazhit të njohur të Star Wars, Kylo Ren, i cili luhet nga Adam Driver.

ONS u shpreh se në vitin 2019, 126 bebe u quajtën Dua, ndërkohë që në vitin 2017, pas publikimit të “Be The One”, bebet që u quajtën Dua kapën shifrën 63.

Emri Dua, pak kohë më parë, ishte një emër i pazakontë në Britani, ndryshe nga vendet e Lindjes së Mesme ku është më i popullarizuar (nga gjuha arabe, Dua do të thotë “lutje”). Ndërkohë që nëpër intevista, Dua është shprehur se emri i saj është shqiptar dhe ka kuptimin “love” (si folje jo si emër).