Jennifer Lopez i shtohet listës së VIP-ave që krijuan linjën e tyre të bukurisë! Pas Selena Gomez, Lady Gaga-s dhe Rihanna-s, vjen Lopez me linjën e re të produkteve të bukurisë.
Vetë këngëtarja ka postuar në llogarinë e saj të Instagram-it surprizën e radhës përmes disa fotosh ku tregon se linja e re quhet "JLo Beauty" dhe se produktet do të jenë gati së shpejti.
#JLoBeauty finally we’re going to find out her secrets on how to look that good @JLo pic.twitter.com/S0K4Th3X7N
— ?? (@limitlessjlo) August 24, 2020
Lopez nuk është fare e re në një eksperiencë të tillë, duke marrë parasysh se më herët ka lançuar markën e saj të parfumeve. Linja për kujdesin ndaj fytyrës është një punë me të cilën Lopez duket se është marrë prej kohësh.
"Kam punuar për këtë për një kohë të gjatë sepse nuk dua të nxjerr çfarëdo lloj gjëje. Do të jetë diçka që të funksionojë. Këtë jua garantoj sa herë lexoni emrin tim mbi diçka."- është shprehur Jenny për Refinery29.
Siç mund ta merrni me mend, njerëzit janë shumë, po shumë entuziastë!
