Khloe Kardashian duket se ëshë “kapur mat” në një tjetër editim. Teksa reklamonte truporen që ka veshur, ndjekësit vunë re fytyra e saj dukej ndryshe në momente të ndryshme të videos.

Edhe një javë më parë, ylli i reality show-t dështoi përsëri me photoshop-in dhe kjo u vu re pas qarkullimit të fotove origjinale në internet.

Sidoqoftë, këto nuk janë rastet e para (dhe me siguri as të fundit) që Khloe i editon foton më shumë seç duhet dhe për më tepër, nuk i editon dhe aq mirë:

Khloe nuk është e vetmja anëtare e familjes Kardashian që i "rregullon" fotot. Shpesh media të ndryshme, por edhe vetë ndjekësit, kanë vënë në dukje detaje të çuditshme në fotot e Kim Kardashian, Kylie Jenner dhe të personazheve të tjerë të famshëm. Madje, ata ndonjëherë editojnë edhe fëmijët e tyre në foto.

Prandaj, jo çdo gjë që na serviret online duhet marrë si e mirëqenë, sepse në një pjesë të mirë të rasteve, ajo çfarë shohim nuk është e vërtetë.

Sqarim: Adobe Photoshop është një program kompjuterik që lejon manipulimin e fotografive. Sidoqoftë, qindra aplikacione të tjera që kanë të njëjtin funksion ose funksion të ngjashëm, kanë marrë këtë emër: “photoshop”, si një cilësim i përgjithshëm për gjithë editimet e ndryshme të fotove.

Për realizimin e këtij artikulli u përdorën pjesërisht materiale nga Mirror.