
Prej dy ditësh, kudo në internet qarkullon lajmi se kukulla Annabelle është arratisur nga muzeu në të cilin qëndronte. Një editim i bërë në wikipedia, shkruante se kukulla është larguar në 14 gusht, në orën 3 të mëngjesit dhe kjo ka mjaftuar për t'u bërë virale. Nga ai moment, faqja në Wikipedia është korrigjuar, por në rrjetet sociale, “lajmi” ishte përhapur mjaftueshëm.

Kujdestari i Annabelle dhe pronari i muzeut, Tony Spera, bashkëshorti i vajzës së Edward and Lorraine Warren postoi një video në YouTube, ku qëndron pranë kukullës në ekran, për të treguar se ajo është pikërisht aty ku duhet. Edhe pse jo të gjithë e kanë parë deklaratën dhe ka ende njerëz që mendojnë se kukulla, vërtet u largua nga muzeu, aktualisht videoja është numër #15 në Trending.
“Unë jam këtu në muze, për shkak të zërave që thonë se Annabelle është arratisur. Duhet t’ju them diçka. Nuk e di nëse doni që ta dëgjoni këtë, por Annabelle nuk u arratis. Ajo nuk bëri një udhëtim. Nuk fluturoi në klasin e parë dhe nuk doli për të takuar të dashurin.”
Më pas, ai vazhdon:
“Annabelle është gjallë...Epo, nuk duhet të them e gjallë (qesh). Annabelle është këtu me gjithë lavdinë e saj famëkeqe. Ajo nuk është larguar kurrë nga muzeu.”
Spera tha në videon në YouTube se muzeu, i cili aktualisht është i mbyllur për shkak të një problemi ligjor me pronën vitin e kaluar, ka siguri të teknologjisë së lartë. Pra, nëse kukulla në të vërtetë do të ishte larguar nga ambientet, Spera tha se ai do të ishte në dijeni.
“Mos harroni, unë kam siguri të teknologjisë së lartë këtu. Nëse ajo do të ishte larguar nga muzeu, do ta dija menjëherë. Ne kemi sisteme të mira alarmi dhe policia është shumë e shpejtë për t'u përgjigjur."
Historia e Annabelle u tha në tre filma: “Annabelle” (2014), “Annabelle: Creation” (2017) dhe “Annabelle Comes Home” (2019). Para se të shkonte në muzeun Warrens, kukulla ishte në pronësi të dy grave, të cilat pretendonin se ajo “lëvizte nëpër banesën e tyre” dhe linte shënime të shkruara. Pronaret e kukullës, u konsultuan më pas me një psikiatër.
Disa ekspertë paranormalë pretendojnë se kukulla është e lidhur me një frymë demonike dhe pretendon se është fëmijë.
Sipas Newsweek, edhe në lëvizjen e parë me makinë, për t’u dërguar drejt muzeut, çifti Warren ishin vënë në rrezik serioz dhe ata besonin se Annabelle bëri që frenat e makinës të mos funksiononin.
Burimi: KSAT