Asdreni, që njihet si Gjiko, dhe producenti BigBang Beats, emri i vërtetë i të cilit është Arbër, janë dy nga emrat më trend të muzikës shqiptare kohëve të fundit - Gjiko përmes këngëve të tij karakteristike, ndërsa Arbëri përmes bashkëpunimeve të suksesshme me këngëtarë të njohur shqiptarë dhe jo vetëm. Por këtu s’jemi për të folur për djemtë, as për vogëlushët e tyre, por për nënën e tyre: Lirije Gjikolli!

Mamatë, janë gjithnjë krenare për arritjet dhe sukseset e fëmijëve, por duket se e ëma e Gjikos dhe Arbërit është jo vetëm mbështetësja më e madhe e djemve të saj, por edhe e grave të tyre. Në profilin e saj në Instagram, mund të gjenden më shumë foto me Elita Rudin dhe Blerina Bokshin sesa me djemtë.

Elita Rudi është më e njohur për publikun, për shkak të angazhimit në televizion si moderatore, ndërsa Blerina Bokshi, gruaja e Arbërit, është drejtuese e marketingut dhe PR në kompaninë e tij muzikore.

Mamaja e tre djemve, Lirije Gjikolli është më e lumtur se kurrë me "nuset e familjes" dhe nuk ngurron ta shprehë këtë edhe nëpërmjet postimeve në rrjete sociale. Ajo poston shpesh jo vetëm foto me to, por edhe foto ku shfaqet vetëm njëra ose tjetra:

Edhe urimet e ditëlindjes janë shumë të përzemërta:

"Nusja jonë e bukur Elita, sot feston ditëlindjen. I urojmë jetë të gjatë dhe të lumtur me shëndet, duke i thënë që e duam shumë."

"Sot nusja jonë e bukur feston ditëlindjen. I urojmë të gjitha të mirat në jetë duke i thënë që e duam shumë shumë."

Lirije Gjikolli është nëna e 3 djemve, mes tyre dhe Ardit Gjikolli, djali më i vogël i familjes, jo shumë i njohur për publikun, i cili me siguri është single, përderisa nuk ka ende një foto të një vajze, postuar nga mamaja e tij.