Horoskopi Mujor

Horoskopi i Susan Miller për muajin gusht 2020: Shigjetari dhe Bricjapi

Shkruar nga Anabel

3 Gusht 2020

Horoskopi i Susan Miller për muajin gusht 2020: Shigjetari dhe Bricjapi

Horoskopi i Susan Miller për muajin gusht 2020: Shigjetari dhe Bricjapi

Që nga fillimi i këtij viti, keni qenë të fiksuar pas gjetjes së mënyrave për të fituar më shumë para. Zakonisht keni rezultuar të suksesshëm në këto kërkime, veçanërisht para koronavirusit. Edhe pse ka shumë njerëz pa punë, mos mendoni për papunësinë - ju keni aftësi për të qenë përjashtim nga rregulli. Mbajeni mend këtë, sepse karriera do të shkëlqejë pafund në fund të gushtit.

Tani për tani, doni të merrni pak kohë larg punës dhe dëshirës për para për të bërë një udhëtim që do t’ju largojë nga e zakonshmja. Marsi, në sektorin e dashurisë, romancës, argëtimit dhe kohës së lirë do t'ju inkurajojë që të bëni gati gjërat dhe të niseni gjatë kohës së Hënës së plotë, më 3 gusht. Megjithatë kini parasysh që kjo Hënë e plotë nuk po i bën ndokujt ndonjë favor, prandaj mendoni nëse vërtet ia vlen të lëvizni tani. Pandemia qarkullon ende dhe është e rëndësishme të keni kujdes.

Nëse nuk udhëtoni, duket se do të punoni me një kontratë gjatë kësaj Hëne të plotë. Bëjini të qarta planet tani, ndryshe do t’ju ngatërrohen. Nëse jeni duke punuar me të tjerët, mund t'ju duhet të hartoni një marrëveshje kontraktuale. Nëse po, prisni të nënshkruani gjatë ose pas Hënës së re më 18 gusht në Luan.

Marsi aktualisht po qarkullon te kreativiteti, duke sugjeruar që do të punoni me një projekt ku të paraqisni idetë origjinale. Ndonjëherë kur kemi Marsin në një shtëpi të caktuar, ndodh që situata acarohet, kështu që nëse shihni një situatë të tensionuar, flisni për problemin. Marsi nxjerr shumë gjëra në sipërfaqe në mënyrë që të “pastrojë” situatën.

Marsi do të shkojë në prapavijë nga 9 shtatori deri më 13 nëntor, që do të thotë se do të përfshiheni nga një situatë jo fort e shpejtë.

Kjo prapavijë e Marsit nuk do të jetë koha më e mirë për të nxjerrë në treg një produkt a shërbim të ri. Një situatë e tillë nxjerr në pah rëndësinë e rishikimit. Veprimet e tjera mund t’i merrni pas Hënës së re më 18 gusht.

Më 1 shtator, një Hënë e plotë te Peshqit do të nxisë një periudhë emocionuese. Mund të zhvendoseni në një hapësirë të re, të ftoni një mik për të ndarë qiranë ose të ftoni një anëtar të familjes që të qëndrojë me ju. Nëse nuk parashikoni lëvizje në shtëpi, ka të ngjarë që kjo periudhë t’u dedikohet çështjeve familjare.

E thënë me fjalë të tjera, gushti do të nisë si një luan dhe do të përfundojë si qengj. Shijoni fundin e muajit sepse lajme emocionuese ju presin. Karriera është në periudhën e saj më të mirë ndërkohë që edhe shtëpia dhe familja do të marrin vëmendjen që keni menduar.

Horoskopi i Susan Miller për muajin gusht 2020: Shigjetari dhe Bricjapi

Gjatë dy viteve të fundit universi ju ka futur në disa prova për të provuar temperamentin tuaj. Keni përmbushur disa sfida me një frymë të theksuar besimi dhe objektiviteti, ndonëse presioni ka qenë i konsiderueshëm. Së fundmi, jeni në gjendje të shihnit dritë në fund të tunelit.

Eklipet e fundit në Gaforre dhe Bricjap më 21 qershor dhe 4-5 korrik ju mundësuan që të pushonit paksa. Saturni do të largohet nga Bricjapi më 16 dhjetor 2020 dhe nuk do të kthehet më në shenjën tuaj deri më 2047. Siç e shihni, pothuajse përfunduat.

Duke parë këtë muaj, Hëna e plotë e 3 gushtit nuk do të jetë më e preferuara e askujt. Ajo do të bjerë në Ujor dhe sundimtari i Ujorit, Urani, ky i fundit në Dem, nuk do të jetë në një pozicion të përsosur. Pritet një situatë e paqartë me një partner biznesi, agjent, publicist ose ndonjë specialist tjetër.

Po kështu, është gjithashtu e mundur që në vend të kësaj, të ndikojë në marrëdhënien me një partner (romantik ose profesional) dhe t'ju ndihmojë të artikuloni atë që ju nevojitet nga partneri për të qenë të lumtur.

Në mes të gjithë këtyre ndryshimeve, Marsi do të shkojë në prapavijë nga shtatori deri më 13 nëntor, një kohë jo e përshtatshme për veprime të rëndësishme në lidhje me familjen ose shtëpinë. Mos nënshkruani dokumente ligjore e kontrata. Prisni të merrni këto vendime pas 1 shtatorit.

Më 1 shtator, Hëna e plotë te Peshqit do të ndikojë pozitivisht te marrëveshjet, vendimet dhe komunikimi.

Copyright Anabel.al / Ndalohet ribotimi pa lejen e redaksisë.

MOS I HUMBISNI