Në një intervistë prej katër orësh me Joe Rogan, reperi diskutoi disa prej “takimeve” të tij të ngushta, që kishte patur me “llojin e tretë”.

“Unë kam parë një kur isha rreth 16 vjeç. Isha në New York dhe thjesht qëndroja në vend.”

Më pas, ai vazhdoi:

“Si fillim, po ju them këtë: Tezja dhe bashkëshorti i saj, ishin shumë të rreptë dhe ne duhet të shkonim në shtrat në orën 10. Unë po shikoja nga dritarja me kushëririn tim dhe aty ishte thjesht një dritë që qëndronte në vend dhe më pas thjesht zhdukej. Dua të them..nuk mund ta shpjegoj dot.”

Rogan e pyeti se sa e fortë ishte kujtesa e tij për këtë ngjarje dhe ai u përgjigj: “Mesatare, por jam i bindur se atje kishte diçka.” Ai shtoi se kjo gjë i ka ndodhur dhe shumë herë tjera pas atij viti, në vende të ndryshme.

Malone shpjegoi: “Unë kam jetuar në Tarzana... E di që duket e çuditshme, por ishte si një fushë klasike forcash dhe aty kishte objekte të çuditshme në formë rrethore. Shpesh mendoja, “Si nuk e pa askush tjetër këtë? Unë isha atje me katër persona të tjerë dhe ata e panë gjithashtu, sikurse unë.”

Më pas ata vazhduan të diskutojnë mbi lajmet e fundit nga Pengaton se janë gjetur “automjete, që nuk janë krijuar në këtë Tokë.” Ata gjithashtu folën për fantazmat, për të cilat Post Malone këmbëngul se “janë të vërteta”.

Prezantuesi shpreson që një ditë të ketë një alien të ftuar në programin e tij.

“A mund ta imagjinoni? Një mik të gjatë tre-këmbësh, me gishta si antenë dhe që flet për llojin e tij në emision.”

Malone, pranon në fillim të programit se ishte nën efektin e "mushrooms" (kërpudha), por në këtë rast: një lloj droge, e quajtur ndryshe dhe si "kërpudha magjike", që jep si efekt anësor, haluçinacione. Reperi gjithashtu thotë se nuk kishte fjetur përpara se të vinte në emision.

Burimi: Vanity Fair