Në foto: Jake Gyllenhaal (Filmi: Enemy)

Chris Sutherland është pedagog dhe lektor i lëndës së fizikës në Universitetin e Kalifornisë Jugore, në Los Angeles. Në 2018-ën, ai ka mbaruar studimet për doktoraturë në moshën 25-vjeçare, në po të njëjtin universitet, në degën e fizikës dhe specifikisht për teorinë kuantike të informacionit.

Në website-n RMP (rate my professors), tek i cili studentët mund të komentojnë dhe vlerësojnë punën e pedagogëve të tyre, Chris ka disa prej komenteve më pozitive:

“Është një lektor dhe profesor i shkëlqyer. Çdo orë është e vlefshme. Nuk do pendoheni nëse e ndiqni këtë lëndë.”; “E dua Sutherland. Çfarë njeriu është! Unë e urreja gjithnjë fizikën në gjimnaz, por ai e bëri lëndën shumë shumë herë më mirë.”; “Ai përpiqet shumë për ta bërë fizikën qejf, gjë që është shumë e vështirë dhe mendoj se kjo është shumë e këndshme nga ana e tij.”; “Djali më i mirë. Fizika është e vështirë, por jo dhe aq me Sutherland.”

Në fakt, përveç thjeshtësisë e qartësisë në të shpjeguar, ka diçka tjetër që e bën profesorin kaq të preferuar tek nxënësit: sensi i tij i humorit. Chris Sutherland është bërë viral në TikTok. Ai numëron mbi 16 milionë pëlqime.

Videot e tij janë një seri meme-sh për punën e tij si profesor, duete me disa prej studentëve të tij dhe pak humor “fizikantësh”. Mes qindra videove, diçka është konstante, Sutherland ka të njëjtën veshje: pantallona dhe një këmishë në ngjyrë vishnje.

- Dita e parë e mësimit:

- Llojet e studentëve në një klasë:

- "Nëse TikToku mbyllet, do më duhet të filloj t'ju kthej email-et studentëve."

- "Studentët duke bërë sikur janë të interesuar për jetën time, që të ndaloj së shpjeguari."