Arbana Osmani dhe Eduart Grishaj nuk kanë ende një datë gati për dasmën, por vendin e kanë vendosur që tani. I ftuar në "Pushime on Top", Grishaj tha se nëse dasma do të ndodhë, do të bëhet në Bogë.
"Dasmën nuk e di kur do ta bëjmë, por do ta bëjmë në Bogë. Arbana është pro gjërave të bukura dhe Boga futet tek gjërat e bukura."
Duke marrë parasysh sa shumë Osmani dhe partneri i saj i duan udhëtimin dhe natyrën, nuk ishte surprizë që vendi i zgjedhur për kurorëzimin e dashurisë do të ishte një vend i tillë.
Arbana dhe Eduarti presin të bëhen së shpejti prindër. Çifti ka zgjedhur që detajet e marrëdhënies së tyre apo të pritjes së ëmbël t'i mbajë private që prej fillimit. I pyetur se si e sheh veten në rolin e babait, Grishaj tha se do t'i duhet ta mësojë me kohën sepse ende nuk e di.
"Nuk ka nevojë të lexojë libra, mendoj se gjërat vijnë instiktive. Kur kam marrë lajmin kam qenë shumë i lumtur! Dua që kjo periudhë të zgjasë."
Përsa i përket emrit të bebushit, regjisori zbuloi se do të jete tipik shqiptar.
